En colaboración co CFR de A Coruña e a nosa ANPA, e dentro do Plan de Mellora do centro e actividades PIE programadas, este mércores contamos cun obradoiro sobre Disciplina Positiva para familias, da man de Mónica Carneiro. Un placer escoitala! Continuaremos o vindeiro curso.
A nosa escola forma parte da rede de Escuelas Visuales. O pasado curso escolar participamos no proxecto da Fundación Orange de acompañamento ás escolas para transformarnos nun centro accesible a todo o alumnado, aprendendo sobre ferramentas visuais (señalización, horarios, historias sociais, secuencias, contos visuais, visual thinking, mapas visuais) e este ano continuamos coa implementación desas ferramentas e emprego de ortografía visual, patios visuais e recursos educativos visuais.
Desde o noso centro recomendamos a participación na próxima convocatoria. Os centros que esteades interesados podedes acceder á sesión informativa do vindeiro 14 de maio. Animádevos a participar!
Comparto información facilitada polo Equipo responsable de Escuelas Visuales.
O prazo para presentar as solicitudes estará aberto dende o 30 de abril ata o 11 de setembro de 2025, ambos incluídos.
Este ano, como novidade, as solicitudes deberán presentarse exclusivamente por medios electrónicos a través da sede electrónica do Ministerio.
PASOS:
1. A familia cubre a solicitude por sede (ollo! de presentarse varias versións, só se terá en conta a última).
2. A conta corrente que figura na solicitude debe ter como cotitular ao beneficiario da bolsa (é dicir, o/a alumno/a que recibirá a axuda)
3. Prazos: dende o 30 de abril ata o 11 de setembro de 2025 (inclusive).
4. A Dirección Provincial do MECD recibe as solicitudes, verificando os requisitos esixidos, e no caso de atopar erros recabarán aos interesados a subsanación de erros nun prazo de 10 días 5. Unha vez comprobados todos os datos, remitirán as solicitudes ao centro, onde se cubrirán os anexos I (matrícula e características do centro), II (tipo de NEAE do/a alumno/a), III (axudas propostas).
6. Simultamente dende o Departamento de Orientación contactará coas familias para recabar a certificación e memoria do centro reeducador onde se van levar a cabo as terapias pertinentes.
7.0 centro enviará nun prazo de 15 días dende a recepción da mesma, a solicitude recibida cos anexos nomeados.
COMO SEGUIR O ESTADO DE TRAMITACIÓN? A través da sede.educacion.gob.es no apartado de "Mis expedientes"
Ao longo de todo o curso, a través de diferentes actividades englobadas dentro dos programas de centro ( Programa TEI, Escola do Benquerer, Programa Pasando a Bola, Plan Director de Convivencia, Plan de Benestar Emocional, programa de patios e actividades PIE) traballamos o respeto, empatía, emocions e valores encamiñados á mellora da convivencia escolar en xeral e previr o acoso escolar, en particular.
Na seguinte presentación atoparedes recursos para conmemorar de xeito específico este día e recolle parte das actividades desenvolvidas ao longo deste curso con este fin.
