venres, 30 de outubro de 2020

Pola Samaín, diversión sin fin!

 Hoxe celebramos a festa do Magosto e Samaín ( noutros países chamado Halloween).  Para divertirnos tod@s xunt@s contaremos contos de medo, compartiremos as nosas cabazas virtualmente, faremos manualidades, degustaremos castañas e xogaremos disfrazados terroríficamente.

A disfrutar!


Pinchade aquí para acceder ao xogo.


martes, 27 de outubro de 2020

Día Nacional TDAH

Hoxe, 27 de outubro, conmemórase o Día Nacional do TDAH co obxectivo de crear conciencia sobre dito trastorno. O alumnado con Trastorno por Déficit de Atención e Hiperactividade (TDAH)  forma parte da diversidade de toda aula e da mesma sociedade, estando considerado, ademais, nese gran grupo de alumnado que a normativa básica identifica como alumnado con necesidade específica de apoio educativo (ANEAE).

O trastorno por déficit de atención e hiperactividade é un patrón persistente de conduta de desatención, hiperactividade e impulsividade que comeza a manifestarse ao longo da infancia e que inflúe negativamente no funcionamento e no desenvolvemento das nenas, dos nenos e das persoas adolescentes afectadas, manifestándose na familia, na escola, nas relacións interpersoais, nas actividades de lecer, en forma de dificultades para agardar, para concentrarse nunha tarefa, para controlar as accións e emocións, para planificar e solucionar problemas, etc.

Comparto coa Comunidade Educativa o protocolo que pretende ser guía para mellorar a atención educativa do alumnado con TDAH elaborado pola Consellería

Protocolo de consenso sobre TDAH na infancia e na adolescencia nos ámbitos educativo e sanitario


Así mesmo, a FUNDACIÓN INGADA  organismo que brinda asistencia a persoas afectadas por TDAH e as súas familias, facilita varios servizos e proxectos para contribuir ao seu  benestar. 
Son varias as  guías para familias e educadores que crearon para dar resposta ás necesidades que manifestan as persoas con TDAH; hoxe quero compartir estas dúas que me aprecen especialmente interesantes (pinchade na imaxe para acceder): 







luns, 26 de outubro de 2020

Medo ao medo!

 


O medo, ese sentimento tan habitual e necesario para a nosa supervivencia, fai que en moitas ocasións o noso benestar emocional non sexa o desexado. 

É tempo de enfrentarnos aos nosos medos e saber xestionalos. Nas aulas de EI seguimos a traballar as nosas emocións, esta vez toca... MEDO!

        

Con este fermoso conto aprendimos a transformar os medos que están na nosa imaxinación.



E con esta curta aprenderemos a enfrentarnos aos nosos medos e  superarnos. 



En colaboración coa Biblioteca compartimos unha serie de recursos que esperamos axuden a entender O MEDO e facilitar estratexias para DARLLE MEDO AO MEDO!

Pinchade aquí para acceder aos recursos

xoves, 22 de outubro de 2020

Educación emocional para tod@s.

 A entrada de hoxe vai dirixida aos maiores da Comunidade Educativa. Comparto con vós esta magnífica guía elaborada pola Universidade de La Rioja, que pretende axudar na procura do benestar emocional nestes tempos difíciles que estamos a vivir. Pinchade na imaxe para acceder. 




luns, 19 de outubro de 2020

Pedra, papel, tesoira.

 Seguro que todos e todas sabedes xogar a este divertido xogo, no que o "máis forte" sempre gaña: o papel gaña á pedra, a pedra gaña ás tesoiras, as tesoiras gañan ao papel. Pero que pensades? Credes que as normas do xogo poden cambiar? Sempre hai que "machacar" ou tod@s xunt@s podemos cambiar as regras do xogo?.  Mirade este vídeo e reflexionade sobre el. Que conclusións podemos exportar á convivencia na escola?


xoves, 15 de outubro de 2020

Comezamos co programa TEI!

Esta semana retomamos o Programa TEI co alumnado de 6º e 4º de EP e a vindeira semana serán os alumnos e alumnas de 5º e 3º os que  coñecerán o programa e participarán nas propostas de este ano, que serán un pouco diferentes na forma de plantexarse pero non no fondo xa que, a pesares de non estar físicamente xuntos no patio e tempo de lecer,   os nosos titores e titoras, os nosos compañeiros e compañeiras estarán sempre ahí para axudarnos e aprender a convivir.




Co fermoso conto "Hasta que podamos abrazarnos". de Eoin McLaughlin  e ilustrado por Polly Dunbar  aprenderemos que a pesar da distancia, podemos facer que as persoas que nos importan se sintan ben cerquiña.


Grazas a todos os nenos e nenas de 3º, 4º, 5º e 6º por facer que  a resolución pacífica de conflitos, o respeto e rexeitamento a todo tipo de violencia sexan un dos piares fundamentais da nosa escola.

martes, 6 de outubro de 2020

"Estoy aquí"

 A través deste fermoso conto "Estoy aquí", a súa autora, Vanesa Díez, invítanos a reflexionar sobre como debemos enfrentarnos aos problemas e amosa, de xeito moi orixinal, como se traballamos en equipo as cousas teñen unha mellor solución. Disfrutade da súa lectura!


xoves, 1 de outubro de 2020

El árbol de la amistad

 Ainda que estamos en outono e as follas das árbores caducas caen,  entre tod@s podemos plantar unha fermosa árbore que creza forte e cheiña de follas. Axudádesme a darlle a volta ao outono?

Propoño que leades o fermoso album  de BRITTA TECKENTRUP, "EL ÁRBOL DE LA AMISTAD" co que descubriredes que a amizade é coma unha árbore máxica e fermosa, que só medra si se rega con agarimo e amabilidade cara os outros. 



Despois de comentar e reflexionar sobre a lectura propoño que fagades  unha fermosa árbore chea de follas con fermosas palabras e xestos de amabilidade, cariño e amizade. Podedes compartir co Departamento de Orientación as vosas árbores. Animádevos!

mércores, 30 de setembro de 2020

30 de setembro: Día Internacional do TEL

 Hoxe conmemórase o Día Internacional do Trastorno Específico da Linguaxe (TEL).

Desde a Asociación TEL de Galicia (ATELGA) facilitan orientacións ás familias e profesionais sobre dito trastorno. 

Comparto a Guía de intervención elaborada pola asociación  e unha serie de recursos para poder coñecer e entender mellor este trastorno. Pinchade no enlace para acceder.



mércores, 23 de setembro de 2020

MVES +

 A semana pasada iniciouse o programa MVES + deseñado para axudar a todo o alumnado no seu benestar emocional. 

Lucía lembrou para que está no cole unha orientadora, grazas a axuda do seu fiel amigo Potato e dos contos ("La Preocupación de Lucía" para os máis pequenos e "Así es la Vida" para os máis maiores) e practicamos o ABRAZO DE BOLBORETA.






Para Educación Infantil e os primeiros cursos de primaria contamos co  "Botiquín das Emocións" para "curar" as nosas emocións sempre que o precisemos; para os máis maiores contades con este blog e a enquisa "Como estades?" que espero contestedes e que estará sempre á vosa disposición no lateral do blog coa finalidade de facilitar a vosa comunicación e expresión emocional e axudarnos a nós a saber da axuda que podedes precisar.


luns, 21 de setembro de 2020

ABRAZO DE BOLBORETA

 Comezamos unha nova semana con ilusión e alegría. Pero ao mellor, nalgún momento, sentimos certa inquedanaza e desacougo que non nos deixa estar tranquilos/as para afrontar positivamente as nosas tarefas diarias. Para poder acadar unha maior tranquilidade e benestar emocional contamos cun magnífico recurso, o ABRAZO DE BOLBORETA!.

Podémolo practicar sempre que o precisemos xa que é unha técnica de relaxación moi sinxela.  A técnica é simple, consiste en colocar as mans á altura do peito, entrecruzadas coas palmas mirando cara a un mesmo e movelas alternativamente coma se fose o aleteo das ás dunha bolboreta. Pensade neso que vos preocupa e xa veredes como pouco a pouco ides estar mellor.

Podedes velo no seguinte vídeo.



Comezade a xornada escolar con esta sinxela actividade e... a disfrutar do día!



luns, 14 de setembro de 2020

Carta para as familias

 

Estimadas familias:

Cando vivimos unha situación estresante, complicada, dura, emocionalemte intensa… o noso cerebro e o noso corpo entran nun estado de alerta, san e protector, que nos permite estar atentos para afrontar ese perigo ou esa ameaza. Cando a situación pasa, o noso cerebro “apaga” esa alerta, procesa a experiencia e almacénaa na nosa memoria como un feito máis da nosa vida, aprendemos e obtemos novos recursos tras superar esa situación e podemos seguir adiante sen problema no noso día a día.

Pero cando esa situación estresante é demasiado intensa ou dura demasiado tempo convértese en traumática, o cerebro non consegue apagar a alerta e mantense en estado de alarma constante (que manifestarase de moi diversos xeitos: enfado, irritabilidade, angustia, illamento, ensimesmamento, apatía…) polo que non consegue procesar a experiencia adecuadamente, deixando unha pegada no seu desenvolvemento cerebral. Nos nenos e nenas, a súa vivencia dependerá da reacción das súas persoas de referencia  ou dos coidadores principais; interpretarán as situacións segundo a reacción emocional das persoas adultas que o acompañan. Por isto é moi importante que xuntas (escola e familia) traballemos da man para acadar o benestar emocional dos nosos pequenos e pequenas.

 Para axudar a reducir e amortiguar o impacto socio-emocional producido pola crise da COVID-19 e facilitar o regreso á escola e a nova normalidade, desde o centro desenvolverase o programa MVES+ (“Máis cunha Volta á Escola en Sada y sus Contornos”), ao longo de todo o curso pero especialmente neste primeiro trimestre, coa finalidade de : 

- facilitar  actividades de acollida e reencontro que permitan a expresión emocional compartida da vivencia durante o illamento,

           -  detectar alumnado con maior risco de impacto psico-emocional para poder adoptar medidas e axudas de carácter máis extraordinario.

            - Facilitar seguridade ao alumnado e as bases dun apoio emocional para todo o curso.

 Precisamos da colaboración e comprensión  das familias, polo que pregamos comuniquedes ao centro (titora, orientadora, equipo directivo...) calquera inquedanza polo voso fillo ou filla, principalmente en relación ao seu desenvolvemento emocional.

Gustaríanos saber como estades a vivir as familias este regreso ás aulas e animo a toda a Comunidade Educativa a participar neste blog activamente ou comunicarse directamente comigo a través do correo electrónico orientacion@sadaycontornos.es

Alegrámonos de voltar, aínda que con certo temor razoable e a cautela que esixe o momento, esta nova realidade e rutinas escolares. A volta permítenos o reencontro e a continuidade dos proxectos, ao tempo que nos coidamos e protexemos uns aos outros.

O Departamento de Orientación está á vosa disposición para as consultas, dúbidas e axuda que precisedes.

                                    Afectuosamente,

                                                                Lucía.


xoves, 10 de setembro de 2020

Por fin!

 E chegou o esperadísimo día: VOLTAMOS Á ESCOLA!!


 

Con moitísima alegría comezamos este curso  e que mellor xeito que facelo con música e esta divertida canción dunha profe dun cole de La Ronda que nos axuda a aprender as normas para poder parar ao coronavirus que nos mantivo lonxe da escola tanto tempo. Non queremos que isto volva a pasar, verdade? 

Xunt@s o acadaremos!!!  Benvid@s!



luns, 7 de setembro de 2020

Acollida: guía para o profesorado.

Estamos a piques de voltar ás aulas. Pasou moito tempo e o alumnado sufriu un estrés que, agora que por fin voltamos a ter contacto directo, debemos ter en conta e saber como xestionalo e axudarlles na súa nova adaptación á escola.

Comparto para todo o profesora e familias esta magnífica guía elaborada por Macarena Soto Rueda, Laura García Pérez e Marisa Moya Fernández. Pinchade na imaxe para acceder. 





mércores, 2 de setembro de 2020

BECAS E AXUDAS PARA ALUMNADO CON NECESIDADES ESPECÍFICAS DE APOIO EDUCATIVO CURSO 2020-2021

Se convocan para el curso académico 2020-2021, las siguientes ayudas:

a) Ayudas directas para los alumnos incluyendo a los afectados por TDAH (Trastorno por déficit de atención por hiperactividad) que requieran por un periodo de su escolarización o a lo largo de toda ella, determinados apoyos y atenciones educativas específicas derivadas de discapacidad o trastornos graves de conducta.

También podrán ser beneficiarios de ayudas directas los alumnos afectados por TEA (Trastorno del espectro autista) no incluidos en el párrafo anterior y que requieran estos apoyos y atenciones educativas específicas.

b) Subsidios por necesidades educativas especiales derivadas de discapacidad o trastorno grave de conducta para familias numerosas.

También podrán ser beneficiarios de subsidios los alumnos afectados por TEA (Trastorno del espectro autista), pertenecientes a familias numerosas, no incluidos en el párrafo anterior

c) Ayudas para programas específicos complementarios a la educación reglada para alumnado con necesidad específica de apoyo educativo asociado a altas capacidades intelectuales.

Segundo. Beneficiarios

Podrán solicitar las ayudas los alumnos que no superen una determinada renta y/o patrimonio familiar y que presenten necesidad específica de apoyo educativo derivada de discapacidad o trastornos graves de conducta y que se encuentren cursando en centro específico, en unidad de educación especial de centro ordinario o en centro ordinario que escolarice alumnos que presentan necesidades educativas especiales, alguno de los niveles educativos no universitarios.

Para obtener el subsidio se requerirá ser miembro de familia numerosa.

Tercero. Solicitudes

Las solicitudes tanto de ayuda como de subsidio deberán cumplimentarse mediante el formulario accesible por internet en la dirección www.educacionyfp.gob.es o a través de la sede electrónica del Ministerio de Educación y Formación Profesional en la dirección https://sede.educacion.gob.es.

El plazo de presentación de solicitudes se extenderá hasta el 30 de septiembre de 2020, inclusive."


Para acceder ao texto completo da convocatoria premer aquí

Para acceder a sede electrónica e toda a información premer aquí


Se tedes dúbidas do procedemento a seguir, na web redcenit.com tedes unha magnífica explicación. Pinchade na imaxe para acceder






Recurso eleborado por Lourdes Otero. Blog http://orientateenperillo.blogspot.com/

martes, 1 de setembro de 2020

CON ILUSIÓN

 Ola a todos e todas! 

Xa estamos de volta, con moitas gañas de vervos e de saber de vós. Comezamos un novo curso con ilusión, aínda que con moita incertidume e certo temor pola situación sanitaria que seguimos a vivir. 

Todo o equipo docente estamos a argallar, dentro das nosas posibilidades, o mellor xeito para enfrentarnos a este novo xeito de ensinar e convivir. Desde o Departamento de Orientación tentaremos axudar en todo o que sexa posible e, lembrade, que estamos aquí para todo aquelo que precisedes. 

Para contactar conmigo podedes chamar ao centro ou enviar un correo electrónico a : 

orientacion@sadaycontornos.es

Este blog tamén é un xeito de participación e comunicación de toda a Comunidade Educativa, así que vos animo a revisar as propostas e información que ao longo das semanas ides poder atopar e a deixar os vosos comentarios e aportacións. Moitas grazas por participar de antemán.

Vémonos axiña!!


venres, 19 de xuño de 2020

Felices vacacións!

Adicado a toda a Comunidade Educativa e, especialmente ao alumnado, do CRA de Bergondo e CEIP Sada y sus Contornos.









BO VERÁN!

xoves, 18 de xuño de 2020

Un agasallo para vós.

Desde o Departamento de Orientación, as mestras de apoio e o Programa REFORZA-T (Silvia, Oliva e Cristina) e a orientadora (Lucía) queremos despedir este curso cun agasallo para  todos os nenos e nenas da nosa escola. Grazas por ser e por estar. Felices vacacións e ata o novo curso!


Pinchade na imaxe

mércores, 17 de xuño de 2020

Cine emocionante!

Xa están ahí as vacacións e teremos moito tempo para disfrutar da familia, dos amig@s, da natureza, da praia, do bo tempo... Pero para os días de choiva, nos que nos teñamos que quedar na casa, vos suxiro algunhas das mellores películas das que poder disfrutar e  seguir a medrar emocionalmente, xa que todas elas xiran en torno aos sentimentos. Preparade as palomitas!


martes, 16 de xuño de 2020

Xa somos maiores: marchamos a Primaria!

A semana pasada tocoulles un pouco máis de atención aos alumnos de 6º EP que marchan para a ESO. Pero todos seguimos a crecer, os alumnos e alumnas de Educación Infantil tamén, e os de

  6º EI tamén son maiores!

A entrada de hoxe vai adicada ao alumnado que o vindeiro curso iniciará a Etapa de Educación Primaria. Aínda que coñecen o cole e a case todo o  profesorado é un hito importante na súa vida, síntense maiores e,  poida que moitos,  asustados ou abrumados, e os adultos debemos facilitar o espazo para medrar e dar seguridade e tranquilidade neste tránsito.

Comparto unha presentación realizada para o alumnado pero que inclúe tamén pautas para as familias. Os alumnos e alumnas de 1º queren axudarvos neste gran paso e realizaron unha serie de recomendacións para que todo saia ben. Desde aquí agradecer a súa colaboración. 
Xunt@s seguiremos a medrar, seguiremos a aprender.




luns, 15 de xuño de 2020

Así es la vida!

Este curso taaaaannnn diferente está a piques de rematar. Despois do esforzo e o traballo, das alegrías e tristezas, do medo,  der ter que aprender a toda velocidade unha nova forma de facer, de estar, de aprender... chega o final,  sen festa nas aulas, sen excursión,  sen abrazos e bicos desexando felices vacacións... así é a vida!. As cousas non sempre saen como un pensa ou quere pero sempre temos que adaptaranos e ver o lado positivo de cada acontecemento da nosa vida e ver unha nova oportunidade nesa realidade.  Cando nos volvamos a ver teremos un montón de cousas que contar e seguro disfrutaremos moito máis de cada momento tod@s xunt@s e valoraremos cada momento e aprendizaxe compartida! Xunt@s comezaremos novos proxectos con ilusión.


"Así es la vida"  é un magnífico conto onde as autoras ( Carmen e Ana Luisa Ramírez) nos ensinan de xeito sinxelo e claro a vivir e disfrutar da vida incluso cando as cousas non saen como un espera.
Disfrutade da última semana deste curso!
As profes Oliva, Silvia e Cristina comparten nas lapelas superiores unhas propostas diferentes para esta semana. Non volas perdades!

venres, 12 de xuño de 2020

Xuntos completamos a historia

Comezamos a semana cunha curta que nos facía reflexionar sobre a importancia da nosa actitude ante a vida e que está nas nosas mans axudar a mellorar o noso mundo e o dos demáis. Imos  rematar a semana cun conto que versa sobre a mesma idea. Xa veredes que chulo!
Cando atopei pola rede este conto pensei...outro conto do Coronavirus, ao mellor os nenos e nenas xa están un pouco fartos. Pero cando o lin dinme conta que é un conto diferente, que nos anima a "loitar" xuntos para crear un mundo mellor. Anímovos a lelo e continuar a historia escribindo un novo capítulo. Se queredes podedes envialo ao correo do departamento orientacion@sadaycontornos.es




Se queremos un mundo mellor debemos, desde a educación, fomentar a curiosidade, imaxinación, creatividade e traballo en equipo.


Boa fin de semana!

xoves, 11 de xuño de 2020

Visitamos o IES Isaac Díaz Pardo

Rapaces e rapazas de 6º, lembrade que hoxe temos a charla co IES Isaac Díaz Pardo. Compartiron hoxe na súa web o vídeo para facer unha  visita virtual. Premede aquí ou na imaxe para acceder.
Vémonos á tarde para aclarar todas as dúbidas que teñades.



Grazas ao IES Isaac Díaz Pardo pola súa colaboración.

Medramos...sentimentos tras o Coronavirus

Levamos moitos días a falar de sentimentos e, en concreto, sentimentos nestes tempos difíciles de cuarentena. Parece que todo vai mellorando e estamos a aprender a vivir nesta nova normalidade pero debemos seguir medrando emocionalmente. Hoxe comparto este vídeo sobre os sentimentos nos tempos que vivimos que espero vos axude.

mércores, 10 de xuño de 2020

Charla desde o IES

Por si alguén aínda ten dúbida sobre como acceder á charla que desde o IES nos van a ofrecer comparto este vídeo onde explica como acceder a través do servizo de videoconferencias Webex


martes, 9 de xuño de 2020

Xa somos maiores: Marchamos para a ESO!

Queridos rapaces e rapazas de 6º:

Canto crecimos!
Hai ben pouco entrabades na escola aferrados ás mans das vosas familias, con medo, sorpresa, pranto... algúns con alegría. Pasaron nove anos nun abrir e pechar de ollos e xa estades listos para deixar esta escola e entrar... no INSTITUTO. A gran maioría, o primeiro día volveredes a ir na compaña da vosa familia, pero esta vez, aínda que poida que co medo tamén no corpo, seguro que con menos lágrimas.
Para que ese tránsito a unha nova etapa que axiña ides comezar sexa máis doado, a pesar de estar na distancia (e asegúrovos que todas e todos as mestras do cole e do IES desexaríamos que puidese ser doutro xeito, "en vivo y en directo") argallamos (en colaboración co Departamento de Orientación do IES Isaac Díaz Pardo)  unha serie de actividades para explicarvos con que vos ides atopar o vindeiro curso e poidades empezar o novo curso con alegria e seguridade.

O primeiro que fixemos foi preparar unha presentación para tod@s (alumnado e familias) onde se aclaran aspectos clave sobre a ESO (organización, materias, avaliación...), sobre a matrícula e o vindeiro curso, algunhas normas do IES Isaac Díaz Pardo e recomendacións para poder afrontar con éxito a nova etapa.  Debedes acceder á presentación pinchando na imaxe e lela coidadosamente, na compaña da vosa familia. Se tedes dúbidas apuntádeas nun papel!



Ademáis desde o IES prepararon un vídeo para que o coñezades un pouco, xa que non se puido realizar a visita coma todos os anos. Seguro que vos gusta!

O xoves día 11 ás 17:30 estaremos invitados a unha charla virtual coa Orientadora (Nila) e algún membro do Equipo Directivo do IES Isaac Díaz Pardo onde nos aclararán todas as dúbidas que teñades. É voluntario asistir pero penso que vai ser unha reunión moi positiva para tod@s (alumnos/as e familias). Ao longo do día 10 chegaravos ao voso correo unha invitación para incorporarse á reunión ese día.
Vémonos o xoves!

luns, 8 de xuño de 2020

É cuestión de actitude!

Como nos enfrentamos ás situacións, como percibimos o mundo que nos rodea e como podemos cambiar e mellorar o mundo que nos rodea está nas nosas mána. É cuestión de actitude!



Ánimo, actitude positiva e a por outra semana máis!
As actividades recomendadas por Silvia, Oliva e Cristina as podedes atopar nas lapelas superiores coma todas as semanas.


venres, 5 de xuño de 2020

CORONADICIONARIO

O significado das palabras pode cambiar en función do contexto e as circunstancias. Esta pandemia cambiou a nosa percepción do mundo e desde La Caixa e o programa CaixaProinfancia levaron  a cabo unha mágnífica idea: realizar un "Diccionario para soñar por casa".


Cada letra do abecedario ten unha palabra explicada co significado que lle atribuímos  nestes tempos de Coronavirus. Paréceme unha fermosa idea que invito a ler e propoño facer o noso Dicionario do Coronavirus. Se vos apetece colaborar, pinchando aquí, atoparedes un documento que recolle as letras do abecedario e proposta de palabras para definir. Podedes explicar o significado que para cada un de vós ten unha desas palabras ou engadir palabras novas. Animádevos!


xoves, 4 de xuño de 2020

Tristeza, que pena!


"A tristeza é unha emoción que che fai sentir co estado de ánimo baixo. Sínteste abatido e pesimista e non tes gañas de facer cousas nin de ver a ninguén. Invádete unha pena e podes chorala ou non facelo, e sentila por dentro. Tamén podes sentir dor interno, insatisfación, desesperanza...
Hay moitos graos e tipos de tristura. Por exemplo: si se mesturan cos recordos dun pasado mellor dicimos que é nostalxia; se é vaga, sombría ou sosegada, melancolía; si se ancla, faise máis profunda e se complica, depresión. "
 Laberinto del Alma de Anna Llenas.

Un dos mellores libros que coñezo para traballar cos nenos e nenas esa tristeza profunda e complicada é "Vacío", da mesma autora.


A autora nos ensina, a través deste fermoso albume que debemos mirar no noso interior para superar o vacío que podemos sentir nun momento dado e procurar a conexión cos demáis e compartir ese mundo. Para escoitar o conto completo pinchade aquí .

Para poder entender ben este sentimento e como tratalo para que non afonde no noso corazón mostro unha serie de contos e propostas para facer cos nenos e nenas.


mércores, 3 de xuño de 2020

Con filosofía.

O diálogo reflexivo na eido familiar é fundamental para o desenvolvemento positivo dos nenos e nenas, para aprender, para fomentar o espírito crítico e diferentes xeitos de pensar e ver.
"Espacio Filosofía para niñxs" elaborou unha recopilación de actividades para favorecer na casa a reflexión crítica e ensinar a pensar aos nosos rapaces e rapazas. Grazas por compartir!.
Pinchade na imaxe para acceder


martes, 2 de xuño de 2020

Non quedes con dúbidas!

A pesar de levar xa moito tempo a falar do CORONAVIRUS poida que aún teñamos algunha dúbida. 
A divulgadora sanitaria Boticaria García e a  periodista de Brime de Sog, Arantxa Castaño, recopilan nun libro gratuito a información fundamental sobre o virus e a  enfermidade. 
Pinchade na imaxe para acceder


luns, 1 de xuño de 2020

Benvido xuño!




Xa estamos en xuño! Seguro que a maioría de vós estades xa cansos do traballo na casa e desta situación. Pero non pode decaer o ánimo. Debemos seguir cara diante; con paciencia e esforzo (individual e colectivo) acadaremos todo o que nos propoñamos. A curta que vos propoño para ver esta semana invita a reflexionar sobre este aspecto. Disfrutade da historia e despois...a traballar! Tedes as propostas das profes Oliva, Silvia e Cristina nas lapelas superiores coma  todas as semanas.

venres, 29 de maio de 2020

Fin de semana de cociña.

Sergio ten unha coleción de botes, onde garda ingredientes secretos e especiais que vai recollendo polo camiño: un cacho de nube, unha pizca de saraiba, un raio de sol, a risa dun esquío, o pó dunha estrela. Con eles cociña as recetas máis increíbles que poidas imaxinar.

Unha vez cociñou unha tarta tan grande e esponxosa que se podía durmir nela; aquel que a probaba en soños comezaba a flotar coma un globo. Noutra ocasión, preparou unha sopa coas cores do arcodavella: todos os que tomaron unha cullarada brilaban e cambiaban de cor coma un camaleón. Ainda que o mellor foi cando, nunha expedición polo bosque, preparou unha brevaxe de malas herbas que logrou afastar a un lobo que andaba a perseguilo a el e os seus amigos.

O superpoder de Sergio é a COCIÑA. 


Para esta fin de semana propoño que estimuledes o SUPERPODER da COCIÑA. 
Animádevos a recoller fantásticos ingredientes como Sergio e crear exquisitos platos. 
Se precisades algunha axuda podedes pinchar aquí neste enlace ou aquí  Pepa e Rufo na cociña  pero... CREATIVIDADE ao poder!




xoves, 28 de maio de 2020

SUPERPODERES

Tod@s temos un  SUPERPODER, algo no que destacamos especialmente. Penso que o meu é o poder da escoita e estar cando se me necesita. Ás veces é difícil descubrir o noso poder e precisamos dos demáis para descubrilo; pola contra, outras veces, temos moi claro cal é a nosa habilidade excepcional.
No conto "El Gran Libro de los SUPERPODERES" de Susanna Isern descubrimos os de un montón de nenos e nenas: contar historias, optimismo, valentía, música, humor, atención, curiosidade, paciencia, lectura, axilidade, memoria, organización, cociña, adaptación, perseverancia, matemáticas, baile, creatividade.
Escoitade o conto e animádevos a pensar cal é o voso SUPERPODER. e compartídeo neste blog.



Se tivera que escoller os SUPERPODERES que máis nos axudarían a superar o confinamento serían os seguintes: optimismo, humor, paciencia e adaptación.






Que opinades?
 Deixade os vosos comentarios

mércores, 27 de maio de 2020

Mamá, teño medo!




Cando sintes medo, unha emoción intensa percorre o teu corpo e alértate dun perigo. Pode ser grande ou pequeno, real ou imaxinario, consciente ou inconsciente, pero afectarate e farate reaccionar dalgún xeito para te protexer. E tenderás a facer dúas cousas: atacar ou fuxir.
Atacar é cando te enfrentas ao medo ou á situación, cando tomas unha actitude activa.
Fuxir é o contrario, cando intentas evitar a situación a toda costa; tomas unha actitude pasiva se esquivas, negas, pos excusas, esqueces, rexeitas...
"Laberinto del Alma" de Anna Llenas.

Con frecuencia, os medos que os nosos fillos e fillas sufren, provócannos angustia e, ás veces, non sabemos como axudarlles. Se pinchades na seguinte imaxe poderedes atopar unha serie de recomendacións. 



É moi importante que aprendamos a superar os nosos medos e guiar neste proceso aos nosos fill@s.. Valentía, prudencia e imaxinación son os tres ingredentes básicos para enfrentarnos aos nosos temores e, como para todo, os libros son o noso gran aliado. Para entender os diferentes medos e saber enfrentarnos a eles comparto unha selección de contos para ler en familia.



Nestes tempos de confinamento os medos dos nenos poden verse aumentados e intensificados. Debemos transmitirlles calma e seguridade e axudarlles a expresar os seus sentimentos e sufrimentos.
Se pinchades  aquí accederedes a un sinxelo conto con pictogramas para vencer os medos relacionados co Coronavirus.

E aquí podedes acceder a o documento sobre o medo elaborado polo Equipo de Orientación Educativa y Psicopedagógica de Atención Temprana  San Fernando - Coslada.





martes, 26 de maio de 2020

TEI en tempos de confinamento

O prometido é deuda e  hoxe mostro, co seu permiso,  as cartas que foron compartidas entre o alumnado de 3º e 5º EP que participan no Programa TEI. Da gusto saber que temos amig@s que se preocupan por nós e que sempre estarán ahí para axudar, verdade?. Animádevos a escribir moitas máis; as palabras fermosas e de ánimo sempre veñen ben.
Pinchade na imaxe para acceder ás cartas


luns, 25 de maio de 2020

Imos pola XI semana: #escolaencasa

Unha semana máis e... avanzamos na fase de desescalada. Pero non debemos esquecer o que nos custou chegar ata aquí e o que esta experiencia vital nos está a ensinar, o valor do realmente importante da vida. Con este experimento podédelo visualizar.



Teño unha noticia boa e outra non tan boa para comunicarvos.
 Primeiro a boa! A profe Silvia xa está recuperada e volve a estar con tod@s nós! Benvida!.
A mala noticia é que a profe Sandra marcha ao voltar ao seu posto Silvia. Desde aquí agradecerlle a súa labor nestes tempos de confinamento e moita sorte no camiño. Unha aperta moi grande.

Boa semana a tod@s e ánimo coas tarefas escolares.
Lembrade que si tedes algunha dúbida coas proposta por Oliva, Silvia e Cristina podedes contactar con elas por correo electrónico.

Para as familias, lembrarvos que está aberto xa o prazo para a solicitude de axuda de libros e material para o vindeiro curso. Tedes  toda información na web do centro 


venres, 22 de maio de 2020

Dalle ao coco!

Esta fin de semana... un pouco de razoamento lóxico . Comparto uns divertidos xogos de lóxica. Pinchade na imaxe para acceder
Seredes capaces de resolvelos?



Disfrutade dos paseos e actividades ao aire libre; pero lembrade que é obrigatorio o uso de mascarillas.Entre tod@s debemos axudar a vencer ao virus.

No blog "Avanzando con emociones" podedes atopar pautas prácticas do uso das mascarillas para persoas con diversidade funcional.

Boa fin de semana

xoves, 21 de maio de 2020

Empatía

Un dos meus contos preferidos  é " CONTOS DE RATIÑOS" de Arnold Lobel. Neste libro o papá rato conta aos seus ratiños historias que emocionan e que nos axudan a adquirir competencias emocionáis básicas (consciencia emocional, regulación emocional, autonomía emocional, habilidades para a vida...).

O Pozo dos Desexos é o primeiro dos contos que podedes atopar. Pinchade na imaxe para disfrutar da súa lectura.

O interés, sorpresa, desilusión, tristura, desacougo, ledicia, empatía... son algunhas das emocións que atoparedes na súa lectura.


Moitas veces, as persoas que temos preto pregúntannos que nos pasa porque ven nas nosas caras, voces ou corpo sinais que non son habituais en nós. Facer isto, darse conta de que algo pode estar a pasar, é ter empatía. Agora que estamos na casa, propoñémosvos un reto: 
CADA DÍA DA SEMANA INTENTA AVERIGUAR COMO SE SINTEN OS MEMBROS DA TÚA FAMILIA...SIN PREGUNTARLLO. SEREDES CAPACES?




E para estes  tempos de confinamento podemos traballar cos nenos e nenas a empatía  a través deste libro creado por Patricia Fernández  para fomentar o diálogo entre adultos e nen@s e mellorar as relacións interpersoais.





mércores, 20 de maio de 2020

ConZENtrate

Hoxe comparto con toda a Comunidade Educativa uns magníficos cadernos para o desenvolvemento emocional en familia elaborados polo Equipo de Conduta de Granada. Grazas por compartir!
Se pinchades nas imaxes poderedes acceder a unha guía por cada tramo educativo,  onde atoparedes pautas, propostas e recursos (contos, curtas, xogos...) para xestionar o tempo de xeito produtivo.





martes, 19 de maio de 2020

Conduta con rumbo.

A pesar de que estamos en proceso de desescalada do confinamento e temos cada vez máis liberdade de movementos, o estrés da situación que vivimos e seguimos a padecer pode continuar a influir negativamente nos rapaces e rapazas, especialmente  en aqueles nenos e nenas máis vulnerables que xa presentaban algún tipo de trastorno do neurodesenvolvemento.  Comparto aquí unhas guías para as familias con alumnado con TEA,  TDAH e/ou trastorno de conduta  e recomendacións que vos poden axudar se estades a vivir un incremento das condutas desadaptativas nos vosos fillos ou fillas.









luns, 18 de maio de 2020

Alegría! A por outra semana.

Comecemos outra semana máis aprendendo desde a casa con alegría!.

"A alegría é unha emoción agradable que te enche de optimismo. É unha enerxía luminosa que activa o ánimo e as gañas de facer cousas. Faite sentir ilusión, curiosidade, desexo de vivir e de compartilo todo cos demáis. Cando te sintes alegre emites tan boas vibracións que tod@s queren estar preto de ti." (Laberinto del Alma. Anna Llenas)

 Escoitade esta fermosa canción de María Fumaça, ALEGRÍA, unha das miñas favoritas.



E este fermoso canto á nosa lingua de Uxía con Tanxugueiras e Faia. Animádevos a aprendela e a bailar.


Como todas as semanas, nas lapelas superiores tedes as actividades de Oliva,  Silvia e Cris.


Para o profesorado comparto ferramentas que poden ser de axuda para o desenvolvemento das clases desde a casa. Pinchade aquí para acceder. Boa semana. 

venres, 15 de maio de 2020

Fin de semana de letras.

Como tod@s sabedes este domingo 17 de maio celebramos o Día das Letras Galegas, adicado este ano a Ricardo Carvhallo Calero.  No blog da Biblioteca e o Tarabelo tedes un montón de información, xogos e propostas para apreder sobre el.

Aulas Galegas tamén  realizou unha ampla recopilación de recursos (xogos, vídeos, presentacións, música, actividades, libros...). Pinchade aquí para acceder

Animádevos tamén  con este preguntoiro musical. Boa fin de semana!


xoves, 14 de maio de 2020

...serenidade

                                                    Imaxe de Lamenteesmaravillosa

Cando o noso corpo estrésase, actívase automáticamente, xerando adrenalina. Esta hormona prepáranos para defendernos e predisponnos para atacar. Canta máis ansiedade, angustia ou medo, menos control teremos para manternos serenos e tranquilos; tenderemos a precipitarnos, a violentarnos e estoupar ao chegar ao límite da nosa tolerancia.
Canto máis serenos esteamos, o noso comportamento e intención alonxaranse dos conflictos.
Por iso, nestes tempos de confinamento e estrés que vivimos debemos fomentar a sensación de calma e armonía: a SERENIDADE
Unha persoa serena está tranquila, apacible e comunícase e relaciónase con amabilidade e dulzura. Desde a serenidade poderemos ver máis claro o que sucede.
A serenidade pódese exercitar e axudaranos a aumentar a nosa felicidade.
Se pasamos o día enfadados, nerviosos, impacientes, acelerados.. non nos axudará ao noso benestar.

No seguinte Padlet podedes atopar recursos para axudar aos nenos e nenas a acadar esa serenidade: música de calma, mandalas para pintar, contos e vídeos para ser conscientes da nosa respiración, mellorar a concentración e estar no aquí e agora con actividades de ioga, relaxación e mindfulness.
Exercitade a vosa serenidade e acadaredes o superpoder de ver con claridade!

Hecho con Padlet

mércores, 13 de maio de 2020

Desacougo...

¿Algunha vez neste tempo de confinamento notaches que estabas inquedo/a, intranquilo/a, nervioso/a, con certa ansiedade, desvelo, desazón, incomodidade, malestar...? Estabas a sentir 
DESACOUGO.
É a falta de acougo, intranquilidade. É o contrario de acougo, tranquilidade, serenidade.





 Ao mellor o desacougo é tal que nos impide concentrarnos en nada e a sensación de inquietude que nos provoca impídenos pensar con claridade suficiente para afrontalo. Nestes casos hai que deseñar un plan de emerxencia para resolver a situación.

 
 

Nun momento de tranquilidade, intentade expresar á vosa familia o voso sentir e procurade entre tod@s atopar o que che causa desacouco. 

E como procurar esa tranquilidade? 

Xa comentei en varias ocasións o beneficio de practicar deporte e actividade física e do ioga.
Hoxe propoño outro  recurso que vos pode axudar moito a expresar o que sentides, a través das cores,  e a atopar esa tranquilidade: OS MANDALAS.

Mandala é unha  palabra sánscrita que significa “círculo”. Representa o universo  cun  conxunto de figuras e formas xeométricas concéntricas.. Debuxar e  pintar mandalas, mellora a concentración e a aprendizaxe; equilibra os hemisferios cerebrais; favorece o descanso e o  soño; facilita a comunicación e potencia a creatividad; desenvolve os  sentidos e a capacidade de percepción; fomenta a iniciativa persoal, e estimula  a imaginación.
As mandalas para colorear poden axudarte a  sacar todas as túas emociones ao exterior, as positivas para  encherte de enerxía e as negativas, para deixar que marchen lonxe de ti.
De que cor pintarías se sintes desacougo? Sabiades que cada cor ten un significado diferente e que coas diferentes tonalidades exprésanse sentimentos diferentes?

Cando precises  expresar as túas emocións  e liberarte dos malos pensamentos anímate a pintar mandalas, axudarate a identificar como te sintes  e ao mesmo tempo permitirá que te relaxes e sacar o mellor de ti. Axudarate a acadar a serenidade. 

Se pinchades na imaxe atoparedes un montón de mandalas para colorear.





Pola Samaín, diversión sin fin!

 Hoxe celebramos a festa do Magosto e Samaín ( noutros países chamado Halloween).  Para divertirnos tod@s xunt@s contaremos contos de medo, ...