PEDAGOXÍA TERAPÉUTICA

mércores, 30 de marzo de 2022

2 DE ABRIL: DÍA MUNDIAL DE CONCIENCIACIÓN SOBRE O AUTISMO

 



Un ano máis sumámonos á conmemoración deste día sensibilizando a toda a Comunidade Educativa sobre que é o Trastorno de Espectro Autista, os seus dereitos e necesidades. Para colaborar coa campaña do Día Mundial de Concienciación sobre o Autismo 2022 (que  pon o foco de atención no dereito das persoas con TEA e as súas familias a desfrutar dunha vida feliz) ao longo desta semana  traballaremos co alumnado que é o autismo, reflexionarán e debuxarán ou redactarán sobre que significa ser feliz para cada un/unha de nós e sensibilizar sobre o  dereito das persoas con trastorno do espectro do autismo (TEA) e as súas  familias a vivir unha vida feliz.


“UNHA FELIZ VIAXE POLA VIDA”

 #DiaMundialAutismo #HazFeliz




AS COUSAS QUE NOS FAN FELICES SON MOI PARECIDAS PARA TOD@S

Pinchade na imaxe para acceder a contos sobre o Autismo

venres, 25 de marzo de 2022

XOGANDO A SER LIBRES: DA EMOCIÓN Á ACCIÓN

 O alumnado de 6º EP hoxe disfrutou do obradoiro desenvolvido por Sara, de Almas Meraki, no que creamos un ESPAZO DE SEGURIDADE para compartir emocións e opinións e así aprender a convivir e respetar a diversidade desde unha perspectiva de igualdade. 

Agora temos unha misión: poñer nome ás emocións que sentimos nos acontecementos do noso día a día e compartilos cos nosos compañeiros e compañeiras dentro dese espazo de seguridade que creamos coa guía de Sara. 






xoves, 24 de marzo de 2022

NON Á GUERRA

 Sumámonos ao total rexeitamento e protesta colectiva contra a guerra e sufrimento provocado por Rusia ao pobo ucraniano.








PAZ PARA UCRANIA - CEIP SADA Y SUS CONTORNOS




venres, 18 de marzo de 2022

Preparamos merendas saudables na fin de semana.

 Continuamos a fomentar hábitos saudables no noso alumnado para favorecer o seu desenvolvemento e un venres máis compartimos unha receita saudable para preparar e disfrutar en familia. Que mellor xeito de celebrar o Día do Pai que compartir con el tempo na cociña preparando unha rica merenda!. 

Felicidades a todos os pais e bo proveito!


E agora... a xogar. 




martes, 15 de marzo de 2022

Plan Director de Convivencia

 Un ano máis participamos no Plan Director de Convivencia.

O “Plan Director para a Convivencia"ofrece aos centros a posibilidade de ofertar charlas informativas, a través das forzas e corpos de seguridade do estado, para mellorar a competencia social de alumnado e familias. Mañá  mércores 16 de marzo abordarase co alumnado de 5º e 6º o acoso escolar en horario lectivo e coas familias ás 18:00h. no Edificio de plenos do Concello de Sada.




Linguaxe Oral en Educación Infantil

Desde a Asociación Galega de Mestres de Audición e Linguaxe (AGMAL) fannos chegar un dossier con información sobre o desenvolvemento da linguaxe dos nenos e nenas de 2-6 anos, así como pautas para favorecer o seu axeitado desenvolvemento, que compartimos con toda a Comunidade Educativa por si é da vosa axuda. Pinchade na imaxe para acceder ao documento. 





luns, 14 de marzo de 2022

Curso sobre seguridade nas redes

 Hoxe comparto con toda a Comunidade Educativa (familias, docentes, alumando) un curso moi interesetante que se desenvolverá este mércores 16 de marzo:  "Menores e seguridade na rede"

Trátase dunha iniciativa que nace da colaboración entre o Ministerio de Educación e Formación Profesional, a través do Instituto Nacional de Tecnoloxías e de Formación do Profesorado (INTEF), a Axencia Española de Protección de Datos (AEPD) e o Instituto Nacional de Ciberseguridade (INCIBE)

A finalidade do curso é presentar pautas, ferramentas e estratexias que axuden a evitar os riscos dun uso pouco seguro ou inadecuado da rede, así como a orientar aos e ás menores en contornas dixitais e garantir a protección da súa intimidade e benestar persoais.


Para máis información pinchade aquí

Para inscribirse pinchade aquí

venres, 11 de marzo de 2022

martes, 8 de marzo de 2022

8 de marzo: Día da Muller.

 Hoxe conmemórase o Día da Muller, para lembrar e defender a loita das mulleres pola súa participación na sociedade e o seu desenvolvemento íntegro como persoa, en igualdade co home.  



E coma sempre comparto uns dos meus libros preferidos  para dita conmemoración.





DÍA MUNDIAL DA PARÁLISE CEREBRAL

 O Día 6 de outubro conmemórase o Día Mundial da Parálise Cerebral, co obxectivo de dar visibilidade e reivindicar as súas necesidades e fac...