Aprendemos LSE con Sviat I

Que sorte temos!

Ao longo deste trimestre, o noso compañeiro Sviat, vainos enseñar a toda a Comunidade Educativa Linguaxe de Signos. Teremos que practicar moito para ser un experto/a coma el. 

Cada semana publicaremos un video no que aprenderemos novo vocabulario. Estade moi atentos!

Moitas grazas a Iván, o mestre de AL, María José, a intérprete en LSE e, sobre todo, a SVIAT.

Esta semana comezamos con....  

Pinchade na imaxe para acceder ao vídeo

Lembrade que no patio podedes practicar o abecedario.

O máis fermoso...cada persoa é única!

Pero tamén son ben  fermosos os traballos do alumnado de  hoxe, nos que plasmaron as súas sensibilidades,  reflexións e aprendizaxes sobre a diversidade en xeral, e sobre as persoas no Trastorno de Espectro Autista en particular.

Parabéns!

2 de abril: Día Mundial de Concienciación do Autismo

 Hoxe, a través do cómic achegarémonos á realidade das persoas que se atopan dentro do Espectro Autista. Xurxo e as súas amigas comparten con nós información, recomendacións lectoras e a vida das persoas con autismo desde unha visión gráfica e convídannos a ilustrar (con viñetas, debuxo, simboloxía...) que cada persoa é única.

Día Mundial do Teatro: Pasando a Bola, xogando para cambiar

 O 27 de marzo conmemórase o día Mundial do Teatro e o alumnado de 3º, 4º, 5º e 6º EP tiveron a sorte de disfrutar na Casa da Cultura, da man da compañía A Xanela do Maxín, da obra PASANDO A BOLA, XOGANDO PARA CAMBIAR, baseada no libro "A banda dos insectos. Pasando a bola".

O alumnado foi integrante activo da representación, para reflexionar de xeito colectivo sobre o Acoso Escolar e sensibilizar sobre o papel activo que cada un de nós debemos ter para acabar con él. Magnífica representación, magníficas reflexións e aprendizaxes!

Aprendemos xunt@s!

 En colaboración coa ANPA As Mariñas e o CFR de A Coruña, este mércores día 19 darán comezo as charlas para familias onde trataremos temas de interese para tod@s (familias e profesorado) encamiñadas a mellorar o desenvolvemento de todo o alumnado. Animádevos a participar!

8 M: As avoas de Bergondo

 No CRA de Bergondo, dentro do proxecto de centro, o equipo de Convivencia elaborou este fermoso conto para a conmemoración do 8 M e poñer en valor o papel que xogaron as nosas maiores na defensa da igualdade entre homes e mulleres. Moitas grazas por compartir!

AS AVOAS NO 8M

Click to read this book, made with Book Creator

read.bookcreator.com

Entroido de cómic

 

Día fantástico para disfrutar, aprender, crear e divertirse tod@s xunt@s!

14 de febreiro Día do amor e amizade: cohesión entre titores e titorizados.

 Aproveitamos o día de hoxe para conectar cos nosos titores TEI,  que tanto nos axudan cando o precisamos,  cunha actividade artística na que tivemos que agasallarnos cun fermoso retrato, realista ou abstracto, pero que representaba o amor e agradecemento que compartimos. 

Pinchade na imaxe para ver algunha das fotos do día. 

E agora un fermoso libro para reflexionar...que opinades?

Conmemoración do Día da PAZ: xogos cooperativos.

 Ao longo da semana, nas titorías reflexionamos sobre que é iso da PAZ, que dirían cada unha das personaxes de cómic coas que estamos a traballar e como podemos aprender a convivir e a crear unha sociedade en PAZ. Por iso pasamos unha fermosa xornada de xogos onde os máis maiores axudaron aos máis pequenos a xogar: todo o alumnado dos diferentes niveis mesturado para disfrutar e aprender a convivir. 

Grazas a todo o alumnado colaborador de 6º que o fixeron de maravilla!