PEDAGOXÍA TERAPÉUTICA

mércores, 9 de febreiro de 2022

Aceptamos o reto: SNACK LAB!

 O noso centro, grazas á colaboración da Asociación Española Contra o Cancro, participa nun programa encamiñado ao fomento de consumo de almorzos saudables. 

Hoxe contamos coa presenza de Rosa nas aulas de 1º, 2º, 3º e 4º EP para explicarnos a importancia dunha alimentación saudable, en que consiste e propoñernos o reto de mellorar os nosos "snacks". Seremos quen de acadalo?. Pensamos que sí!

Todos os días analizaremos as nosas merendas e cada aula marcará un obxectivo de mellora semanal. 






Precisamos a colaboración das familias para concienciar aos nosos pequenos e pequenas, procurando a elección de merendas saudables, eliminando alimentos ultraprocesados e preparando con eles alimentos ricos e saudables. Aceptades o reto? 

Contaremos cunha charla para as familias o vindeiro luns día 14 para máis explicación do programa. 

MOITAS GRAZAS A TOD@S POLA VOSA COLABORACIÓN!

martes, 8 de febreiro de 2022

COÑECENDO A NICK

 Hoxe tivemos a sorte de contar no noso centro con Sara, pedagoga da Asociación ASPERGA. 

Os alumnos e alumnas de 6º EP realizaron con ela un obradoiro de sensibilización e achegamento ás persoas que teñen esta condición persoal. Coñecimos a Nick a dialogamos sobre o que nos fai diferentes e iguais, sobre as emocións e a importancia do respeto e saber enterder aos demáis para ser bos compañeiros e compañeiras. 

Ademáis pola tarde, o profesorado recibimos unha charla formativa para aprender a identificar a alumnado con características TEA Nivel 1 e mellorar a súa resposta educativa para acadar un desenvolvemento persoal, académico e social positivo.

Moitas grazas a Sara e a ASPERGA!



domingo, 30 de xaneiro de 2022

Feliz Día da Paz!

 Hoxe conmemórase o Día Escolar pola Paz e a Non Violencia. O noso centro conmemorouno o pasado venres reflexionando sobre que é a paz, recitando, cantando, bailando e construíndo entre todos e todas unha árbore con materiais de reciclaxe que se situará no recuncho da paz e resolución pacífica de conflitos. Ao redor desta fermosa árbore sentarémonos a dialogar, a escoitar e poñernos na pel dos demáis para resolver conflitos  e  voltar á calma, si así o precisamos. 

Fermoso día, fermosa conmemoración, fermoso traballo en equipo, fermosa árbore...

fermosa escola cultivando a PAZ!






venres, 28 de xaneiro de 2022

Xunt@s construímos!

 Hoxe fago referencia á actividade desenvolvida co alumnado do CRA de Bergondo co que disfrutei o día de hoxe. Contamos un dos meus contos preferidos que xa recomendei en máis ocasións "Las Ciudades de Colores" de María Bautista e Raquel Blázquez. 



É un conto acumulativo que nos ensina a respetar a diversidade e valorarla como algo enriquecedor, que nos ensina a entender a búsqueda de identidade dun mesmo, a importancia da compañía e amizade  e que xuntos podemos "construir" todo o que queiramos. 

Eu o emprego para observar o razoamento,  xogar e crear cos pequenos e pequenas. E sempre me sorprenden!! Os Silvosiños sons todos un artistas!








mércores, 19 de xaneiro de 2022

"Tú como yo"

 Este trimestre ven cargadiño de proxectos e formación complementaria para o noso alumnado que iremos contando a través do noso blogue (sensibilización sobre diversidade, alimentación saúdable, educación afectivo-sexua...)

Comezamos esta semana pasada coa charla virtual para alumnado de 5º EP a cargo de ASPACE para coñecer un pouco máis a Parálise Cerebral, a asociación e sensibilizar ao alumnado de  que, en realidade, non hai tantas cousas que nos diferencian. 

Pero as novas tecnoloxías xogáronnos unha mala pasada e a conexión foi complicada polo que acordamos "vernos en persoa" no mes de abril, se a situación sanitaria o permite. Esperemos que así sea!! Temos moitas gañas de aprender de vós. 




martes, 21 de decembro de 2021

FELICES FESTAS!!

Queridas familias, alumnado e compañeiros/as, 

As mestras de apoio e Departamento de Orientación queremos desexarvos unhas Felices Festas!. Desexamos  disfrutedes  do tempo de Nadal e que o 2022 sexa un ano de saúde e doces aprendizaxes para toda a Comunidade Educativa. 

Un agarimoso achuchón, 

  OLI, MONSE, PAMELA, DOLORES,  FLOR, IOVANNA, SARA E  LUCÍA



 


mércores, 15 de decembro de 2021

UN XOGUETE RESPONSABLE

 Achégase o Nadal e con el o tempo de agasallos, pero non debemos esquecer a importancia de educar nun consumo responsable. Os nenos e nenas non deben recibir unha chea de xoguetes!. 

Xogar significa compartir, crear, emoción, liberdade, relacións interpersoais, habilidades motoras e disfrutar; non sempre é preciso un xoguete para esto e non todos os xoguetes teñen estas habilidades. 

Á hora de elexir un xoguete educativo debemos ter en conta que este fomente a participación activa do neno ou nena; que estimule a creatividade, imaxinación, cooperación... Debemos elexir produtos que non estean fabricados con materiais nocivos para a saúde ou medio ambiente e que cumpran cos controis de calidade (selo da CE). 

Debemos mercar no comercio de proximidade, evitando xoguetes bélicos ou que reproduzan estereotipos de xénero. Envolver os regalos con papel que poida ser reciclado posteriormente.

Familias, lembrade que compartir tempo de xogo cos nenos/as é o mellor xeito de fortalecer os vínculos afectivos e educativos cos vosos fillos/as.

Ilustramos estas recomendacións cunha serie de recursos que esperamos sexan da vosa axuda:

- Conto "Lo Compro" que nos amosa cal pode ser ese "xoguete" para facernos feliz.

                                                          

- Vídeos para reflexionar sobre o xénero dos xoguetes.




- Boletíns informativos para descargar.






Lembrade que os xoguetes teñen moitos usos e debemos ensinar aos nenos e nenas a doar, sempre que estean en bo estado. Pinchade aquí para atopar onde o podedes facer.





Simulacro incendios

 Pronto realizaremos un simulacro de incendios para practicar o que temos que facer en caso de emerxencia. Pinchade na imaxe para acceder á ...