Xoguetes para aprender

 O Nadal xa está aquí e é tempo de disfrutar da familia, das amizades, de compartir e de disfrutar do tempo de ocio. É tempo de xogo e recibir algún agasallo que nos deixa Papá Noel e/ou os Reis Magos. 

Papá Noel e os Reis Magos saben, como Marian Moreno (experta en coeducación), que unha infancia que xoga e aprende en igualdade, será unha poboación adulta democrática, pacífica e feliz. Por iso os xoguetes e os xogos deben estar alonxados de estereotipos sexistas. 

Para poder elexir un bo xoguete sen esteriotipos sexistas para este Nadal compartimos esta guía realizada polo Ministerio de Consumo.

Pinchade na imaxe para acceder

Carreira ENKI

 Este ano levamos a carreira ENKI ao noso centro  o día 2 de decembro.  Disfrutamos  dunha carreira lúdica, non competitiva, co obxectivo de visualizar ás persoas con diversidade funcional, sensibilizar e fomentar o respeto desde unha educación na diversidade.

Axudámonos uns aos outros e disfrutamos dunha carreira de obstáculos adaptados e...."voamos por un mundo imperfecto"

Recursos para atención á diversidade

 Desde a Federación  Down Galicia facilitan información, recursos e materias para atender á diversidade das aulas.  Para acceder pinchade na imaxe.

Desde o DO recomendamos os materiais relacionados co Diseño Universal de Aprendizaxe, para favorecer o acceso a todo o alumnado ás aprendizaxes e materiais. Pinchade aquí para acceder. 

Aprendendo sobre as persoas con discapacidade

 Hoxe tivemos a sorte de ter no noso centro (¡novamente de xeito presencial!)  a visita de usuarios de ASPACE, que achegaron ao alumnado de 5º EP a asociación, a súa finalidade, en que consiste a Parálise Cerebral e todas as actividades que realizan. Coñecimos como é o día a día dunha persoa con PC, o xeito de comunicarse, as axudas que precisan para o desprazamento, a comida e a que dedican o seu tempo de lecer. Aprendimos que son persoas moi capaces, que só precisan de axudas persoais e tecnolóxicas  que den resposta a cada unha das características individuaís para levar unha vida moi parecida á nosa, e que, ás veces, só precisan máis tempo para acadar o mesmo obxectivo. 

Pinchade aquí para acceder ás fotos e parte das cousas tan interesantes que nos contaron.

MOITAS GRAZAS POLA VOSA COLABORACIÓN E ENSINANZAS.!

Estamos desexando poder visitarvos e contemplar as fermosas creacións artísticas que facedes. Pero mentras, para coñecervos mellor seguiremos os vosos medios de comunicación. 

     

Pinchade na imaxe para acceder ao seu canal de YouTube e programa de radio "La Radio de los Gatos"

Día das Persoas con Discapacidade

 Achégase a conmemoración do Día Internacional das Persoas con Discapacidade e ao longo destes días imos traballar que é iso da discapacidade, a diversidade e realizaremos diferentes actividades encamiñadas á sensibilización e formación para acadar unha verdadeira sociedade inclusiva. 

25 N: Día contra a violencia de xénero

 Hoxe conmemoramos o Día contra a violencia de xénero baixo o lema "QUE NINGUÉN PRENDA AS TÚAS ÁS". 

Traballouse nas aulas a través dos recursos facilitados pola biblioteca que se entende por violencia de xénero e condenamos nun acto colectivo a mesma. 

Comparto recursos que espero sexan da vosa utilidade para seguir a traballar con todo o alumnado, día a día, dita lacra social. 

Pinchade na imaxe para acceder

Pinchade na imaxe para acceder

COLEXIO DO BENQUERER

 Xa temos todos e todas o noso pasaporte para aprender o curriculo do BENQUERER.! Asinamos con responsabilidade o pacto do Benquerer. Agora... máns á obra.!

Día internacional para a prevención do abuso sexual infantil

 O vindeiro 19 de novembro conmemórase o Día internacional para a prevención do abuso sexual infantil. 

Ao longo deste curso, en colaboración coa Fundación MENIÑOS e o seu programa "Colexio do Benquerer", imos traballar co alumnado de 5º e 6º EP a educación afectivo-sexual, abordándoa desde o respecto e o bo trato, e tendo como fío condutor a igualdade, a educación emocional e desenvolvemento crítico. As actividades estarán encamiñadas a traballar o coñecemento persoal e aceptación, a diversidade, a comunicación e educación emocional e a prevención do abuso sexual infantil. 

Os nenos e nenas deben aprender a identificar os seus límites persoais (a recoñecer cando alguén os traspasa), a dicir que non, a aprender a identificar os segredos que poden ser daniños para si ou outras persoas, e a identificar a súa rede de persoas de confianza. 

A literatura infantil vainos axudar a traballar todos estes aspectos. Comparto aquí dúas lecturas recomendadas: 

Que fai unha Orientadora?

 Un ano máis intentei achegar a todo o alumnado en que consiste o meu traballo e que poden acudir a min se precisan algunha axuda. Repasamos algúns conselliños para levar ben o curso e descubrimos outros fantásticos!: 

* Todos e todas somos únicos e especiáis; todos e todas temos ás que nada nin ninguén nos debe cortar, temos que descubrilas e desplegalas. 

* A través da arte podemos aprender a identificar emocións, a expresar as nosas propias e, incluso, regulalas. 

A través da arte aprenderemos as despregar as nosas ás!

Como colaborador imprescindible nesta tarefa, un ano máis,  estivo o Señor Pataca e as súas recomendacións lectoras.

    

Creando xunt@s!

 O venres celebramos un especial Magosto e Samain, xa que puidemos disfrutar todos xuntos de tempo de lecer, de comer ricas castañas e de mostrar os nosos terroríficos disfraces. Pero o mellor de todo e que aproveitamos a conmemoración para cohesionar máis ás parellas TEI, realizando orixinais retratos con elementos do outono ao estilo do artista Arcimboldo e disfrutando de conversa e  tempo compartido. 

Pinchade na imaxe para ver as fotos

Servizo de Atención Temperá no Concello

 Desde xa hai varios cursos no Concello de Bergondo e desde este curso no Concello de Sada, contamos cun Servizo de Atención Temperá para o alumnado de 0-6 anos. A derivación a dito servizo correspóndelle ao servizo de pediatría. Pero desde o centro educativo podemos derivar ao alumnado que consideremos pode sacar proveito dos especialistas que forman o equipo (logopeda, terapeuta ocupacional y/ou psicóloga), facilitando un informe á familia para que achegue ao pediatra. Se algunha familia está interesada, non dubidedes en acudir ao voso pediatra ou falar co Departamento de Orientación. 

Pinchade na imaxe para máis información

POR FIN XUNT@S!

 Este venres o alumnado de 5º EP  que serán titores e titoras do alumnado de 3º, dentro do Programa TEI, por fin coñeceron aos seus titorizados e titorizadas. Vivíronse moitos nervios pero sobre todo ilusión, alegría, respeto e convivencia. Disfrutaron dunha actividade de achegamento persoal e coñecemento mutuo, inicio dunha grande amizade. 

Se queredes ver as imaxes e comentarios das parellas TEI pinchade na imaxe. 

EMOCIÓN - ARTE

 Para regular as túas emocións e sentimentos podes empregar as túas creacións artísticas. 

EMOCION-ARTE é moi sinxelo e necesario. 

Xa temos TITORES TEI!!

 

Hoxe tivo lugar a entrega dos carnés e diplomas aos titores e titoras TEI de 5º de Educación Primaria. Todos e todas mostraron moita ilusión por comezar a desempeñar o seu labor. Na entrega participaron o alcalde de Sada, Benito Portela, e a concelleira de educación, María Nogareda. 

Pinchade na imaxe para ver as fotos da xornada.

Que ilusión! Pronto coñecerán aos seus titorizados/as. 

Como estades a levar este curso?

 Rapaces e rapazas, sabedes que sodes o máis importante para nós e queremos que esteades agusto no cole, para poder medrar e aprender moito. Podedes acudir ás vosas titoras e profesores sempre que o precisedes; pero tamén  ao Departamento de Orientación a falar coa Orientadora de todo o que consideredes importante para vós. Lembrade que podedes acudir na hora do recreo a falar conmigo, sempre pedindo permiso ao mestre de garda. E se isto non é posible, podedes escribirme un correo ou contestar á enquisa que atoparedes no lateral deste blog. 

Contade con nós para todo o que precisedes!

PROGRAMA TEI

 Este ano retomamos con máis forzas ca nunca o Programa TEI, para favorecer a convivencia escolar no noso centro. Todo o centro vai participar no programa pero o alumnado de 3º e 5º EP van ser os verdadeiros protagonistas. Esta semana rematou a formación inicial nas titorías de Educación Primaria e xa contamos co compromiso de todo o alumnado de 5º EP para ser uns TITORES magníficos. Cumplirán todos os requisitos para ter a honra de ser os titores dos alumnos de 3ºEP? Como serán esas parellas titor/a - titorizado/a?... Axiña descubriremos a decisión do Equipo TEI!.

Pinchade na imaxe para saber máis sobre o Programa

Un gran día con ASPACE!

 E o prometido é deuda! Aquí tedes unha mostra en imaxes da gran experiencia de hoxe, na que aprendimos moito con persoas con parálise cerebral e o seu dominio do Boccia. 

GRAZAS ASPACE POR ENSINARNOS TANTO!

Pinchade aquí para ver máis fotos

DÍA MUNDIAL DA PARÁLISE CEREBRAL

 O Día 6 de outubro conmemórase o Día Mundial da Parálise Cerebral, co obxectivo de dar visibilidade e reivindicar as súas necesidades e facilitarlle os apoios que precisan. 

A Parálise Cerebral (ocasionada por unha lesión non progresiva no cerebro en desenvolvemento na época fetal ou primeiros anos de vida) afecta ao movemento e a  postura, limitando a actividade, pero non a súa capacidade, só  precisan das axudas e adaptacións para poder desenvolver as súas capacidades. Teñen os mesmos intereses e os mesmos dereitos que todos e todas nós. 

Este xoves, para conmemorar este día e colaborar á sensibilización de toda a Comunidade Educativa,   contaremos no centro  con persoas de ASPACE Coruña   que nos desmostrarán as súas habilidades xogando ao BOCCIA (deporte paraolímpico desde 1984,  que ten a súa orixe na adaptación do xogo italiano bocce ou bochas). 

Compartiremos a experiencia e as fotos con tod@s. Pero mentras non chega o día, animámosvos a ver o vídeo da campaña deste ano e recomendamos a lectura de libros como   "El Reino de los Mil Escalones" (que tamén se pode atopar en galego)    no tempo de lectura. 

                           

BENVID@S!!

 Hoxe comezamos con moita ilusión un novo curso escolar. O Equipo do Departamento de Orientación está á disposición de toda a Comunidade Educativa para axudar en todo o que sexa preciso. 

Oliva, Pilar, Sabela e Lucía procuraremos o benestar de todo o alumnado do centro e que as súas aprendizaxes e motivación para medrar (en sentido amplo) sexan o mellor posible. 

BENVIDOS E BENVIDAS AO CURSO 2022-2023 !!

Recomendacións de verán para os máis pequenos

 

PASO Á ESO

 

A Educación Secundaria é unha etapa educativa que implica unha maior dificultade (pola súa organización, materias, maior número de profesorado…) e esixe un traballo máis intenso. Coincide coa adolescencia, período de cambios no desenvolvemento emocional e físico. Por todo isto será fundamental que os pais esteades ao carón dos vosos fillos/as para FALAR, ESCOITAR e COMPRENDER.

Os rapaces nesta etapa buscan unha maior liberdade, a súa propia identidade, solicitan unha maior autonomía e independencia, e ás veces o fan a través do enfrontamento e oposición aos adultos. Os iguais exercen unha gran influencia e xurden novos intereses.

Neste proceso vital é preciso que os pais sigades a ser un referente de autoridade, fixando límites claros desde o respecto e escoita atenta das súas opinións, e que incrementedes a comunicación con eles mantendo unha relación cálida e, á vez,  esixente. Deixádelle o seu propio espazo pero controlando desde a distancia

Debedes transmitirlles aos vosos fillos/as que estudiar é bo para o seu futuro, e que confiades neles e no seu esforzo. Se queren máis liberdade deben demostrar que son responsables en todos os aspectos da súa vida en xeral, e nos estudos en particular.

Para axudarlles nesta responsabilidade compre fomentar hábitos de estudo na casa, asegurándolles un bo lugar para estudiar,  marcando un  tempo diario de estudo, axudándolle na planificación de tempo de estudo e nas materias que lles costan pero sen facerlles as tarefas. Compre ensinarlles a combinar o tempo de estudo co descanso e ocio de xeito equilibrado.

Será moi positivo  o contacto frecuente co titor/a, así como participar nas actividades de centro. Debedes levar un control das faltas de asistencia dos vosos fillos/as, así como das súas amizades.

Valorade e premiade o esforzo día a día e motivalo para acadar resultados positivos. Implicádevos nas súas actividades e gustos, pero evitando ser “colega” dos vosos fillos/as.

Debedes  estar atentos aos cambios experimentados polo voso fillo/a (de humor, de conduta, costumes). Falade destes cos vosos fillos/as, cos mestres e co Departamento de Orientación do Instituto.

 

Boa viaxe e moita sorte nesta nova etapa. 

Comparto  a presentación realizada co alumnado de 6º EP para favorecer o axeitado cambio de etapa. Pinchade na imaxe para acceder. 

PASO A PRIMARIA

 O curso está a piques de rematar e os nosos pequenos... xa son maiores!

O alumnado de 6º EI comeza a estar nervioso polo cambio que supón o paso a Primaria. No caso do alumnado do CRA de Bergondo o cambio é maior xa que todos e todas van cambiar a un centro educativo máis grande, con profes, compañeiros e compañeiras novas. Pero estou segura que este cambio vai a ser sinxelo grazas á estupenda xornada de acollida que o CPI Cruz do Sar organizou (a través dunha búsqueda de tesouro) para que alumnado e familias coñezan o novo centro e o seu proxecto educativo e organización. Grazas ao Equipo Directivo e Departamento de Orientación, en especial a Fernando, Silvia e José Antonio pola xornada tan especial que preparáchedes con tanto agarimo.

Aquí tedes un vídeo que recolle algunhas imaxes do acontecido. Pinchade na imaxe para acceder. 

O alumnado de 6º EI do CEIP Sada y sus Contornos ten un cambio máis sinxelo, xa que  son coñecedores dos espazos, mestres e compañeiros/as. Aínda así o alumnado de 1º EP axudaranlles neste cambio e explicaranlles que é iso de Primaria e daranlles algúns pequenos consellos no acto de graduación. 

Os meus libros emocionentes!

 O alumnado de 6º EI, coa nosa profe Deya e Lucía a Orientadora,  ao longo do curso acudimos á biblioteca para disfrutar da lectura e os libros. Aprendimos como está organizada   e que podemos facer nela;  a escoller as nosas lecturas para levar para a casa;  disfrutamos e reflexionamos con "emocionantes" contos para facer o noso propio caderno de LECTURAS EMOCIONANTES. 

Camiño da ESO

 O curso xa está a piques de rematar e todas e todas estamos felices polo traballo realizado pero tamén cansos,  e nerviosos polo futuro que nos espera, principalmente o alumnado de 6º EP que o vindeiro curso comezará unha nova etapa. 

Para facilitar este tránsito á ESO, visitamos o IES Isaac Díaz Pardo, onde a maioría cursarán 1º da ESO.

Dan man de alumnado colaborador, a Orientadora  e a Directora do Centro coñecimos as instalacións do centro, algunhas das actividades que se realizan, as asignaturas e organización cara o curso que ven... (aínda que todavía quedan cousas por decidir). 

Disfrutamos dunha rica merenda nos xardíns e, sobre todo, quitamos os nosos medos e dúbidas. Cada vez temos máis ilusión por comezar esta nova etapa!

Pinchade aquí para acceder a todas as fotos

Moitas grazas ao IES ISAAC DÍAZ PARDO

AMA_CON, O NOSO FEIRÓN

 Xa está casi todo preparado para o noso feirón! O vindeiro mércores día 1 toda a Comunidade Educativa poderá disfrutar dos produtos e traballos realizados ao longo deste curso desde unha mirada de consumo responsable. 

Aquí tedes o catálogo dos produtos que poderedes mercar no Feirón Ama_Con 

Todo o recaudado entregarase a unha ONG do noso Concello.

Catálogo Produtos Feirón Con Prezos

Publish at Calameo

BECAS NEAE CURSO 22-23

 

Desde o 19 de maio e ata o 30 de setembro estará aberto o prazo para solicitar a beca para alumnado con neae.

Poderán solicitar as axudas o alumnado que presente necesidade específica de apoio educativo derivada de discapacidade, trastornos graves de conduta ou trastorno grave da comunicación e da linguaxe asociada a necesidades educativas especiais.

Así mesmo, poderán solicitar as axudas alumnado con Trastorno do Espectro Autista e os alumnado  con necesidade específica de apoio educativo asociado a Altas Capacidades.

Ditas becas  ofrecen distintos importes como axuda para ensinanza, transporte, comedor, residencia, libros, material didáctico e reeducación pedagóxica ou da linguaxe ou para programas dirixidos a alumnado con altas capacidades intelectuais.

No BOE nº 118 do 18 de maio  de 2022 convócanse as seguintes axudas (pinchar aquí para acceder a texto completo): :

 

-          Axudas directas para os alumnos incluíndo ao alumnado con TDAH (Trastorno por déficit de atención por hiperactividade) que requiran apoios e atencións educativas específicas derivadas de discapacidade,   trastornos graves de conduta ou de trastornos graves da comunicación e da linguaxe asociados a necesidades educativas especiais. Tamén poderá ser beneficiario o alumnado con TEA.

-          Subsidios por necesidades educativas especiais derivadas de discapacidade,   trastorno grave de conduta ou trastorno grave da comunicación e da linguaxe para familias numerosas. Tamén poderán ser beneficiarios de subsidios os alumnos afectados por TEA (Trastorno del espectro autista), pertencentes a familias numerosas, no incluídos no parágrafo anterior.

-          Axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.

As solicitudes deben ser cubertas por Internet e entregadas posteriormente no centro educativo. Toda a información nas seguintes ligazóns: 

- Acceso a procedemento de  solicitude e normativa reguladora

- Acceso a aclaración tipo de axudas.

TEI NO CAMIÑO

 Esta fin de semana contamos na nosa vila coa celebración do Congreso Nacional TEI. Disfrutaremos dunhas xornadas de intercambio de experiencias e aprendizaxes para mellorar a convivencia escolar e previr o acoso escolar. O alumnado do noso centro educativo vai a estar representado polo alumnado de 6º EP, Nerea e Jorge, que poñerán voz á nosa  experiencia co Programa TEI desde que comezou aló polo ano 2018.

Compartimos presentación e vídeo que resume o noso camiño. 

 Continuaremos  o noso camiño para aprender a convivir da man do TEI. 

Día Contra o Acoso Escolar

 Hoxe, 2 de maio, conmemórase o Día Contra o Acoso Escolar. Ao longo deste curso seguimos a traballar para desenvolver no noso alumnado valores que favorecen e convivencia e creen os alicerces para erradicar o Acoso Escolar. 

A reflexión crítica constructiva  de xeito individual e colectivo de lecturas, vídeos e desenvolvemento das actividades propostas no  Programa TEI facilitan o camiño para aprender a SER, a ESTAR e a CONVIVIR.

E para continuar a formarnos sobre o Acoso Escolar, o profesorado temos a sorte de contar esta fin de semana na nosa vila co Congreso TEI no Camiño. Pinchade aquí para inscripción e máis información. Unha pequena representación do noso alumnado de 6º EP expoñerá a súa experiencia co programa. Animádevos a asistir.

Aquí podedes atopar recursos e un resumo das actividades realizadas ata o momento no centro contra o Acoso Escolar.

Feliz día!!

 Para todas as mamás, pola súa forza, polo seu apoio, porque sempre están con nós, porque o amor entre nais e fill@s é o verdadeiro amor.

Feliz día da nai,  traballadora 24 horas, todos os días do ano.

Comezamos o 3º trimestre e... todo será posible!

 Despois destas merecidas vacacións comezamos con ánimo a recta final  deste curso. De seguro vai a estar cheiño de novas  aprendizaxes e divertidas actividades. Comezamos a semana con música da nosa, obradoiro de papel reciclado e conmemoración do Día do Libro...que mellor xeito!!

Pinchade na imaxe

CANDO LEO...TODO É POSIBLE!

Para os profes unha recomendación de apps que poden ser de axuda. Pinchade na imaxe para acceder.

NO CEIP SADA Y SUS CONTORNOS TODO É POSIBLE! FELIZ 3º TRIMESTRE!

Recursos para alumnado ucraniano

 A Junta de Extremadura comparte o SITE , que podedes atopar pinchando na imaxe, no que organiza e ofrece unha chea de recursos para facilitar unha axeitada resposta educativa ao alumno que está a incorporarse aos centros procedente de Ucrania (recursos para favorecer a acollida, o seu benestar emocional e o da súa familia, recursos para facilitar a aprendizaxe do idioma e coñecer mellor a súa cultura...). Magnífico recurso. 

UNHA FELIZ VIAXE POLA VIDA

 Porque todos temos dereito a ser felices... FELIZ 2 DE ABRIL!

Pinchade nas imaxes para ver o que fai felices aos nosos pequenos e pequenas.