En colaboración co CFR de A Coruña e a nosa ANPA, e dentro do Plan de Mellora do centro e actividades PIE programadas, este mércores contamos cun obradoiro sobre Disciplina Positiva para familias, da man de Mónica Carneiro. Un placer escoitala! Continuaremos o vindeiro curso.
En colaboración coa ANPA As Mariñas e o CFR de A Coruña, este mércores día 19 darán comezo as charlas para familias onde trataremos temas de interese para tod@s (familias e profesorado) encamiñadas a mellorar o desenvolvemento de todo o alumnado. Animádevos a participar!
Hoxe comparto con toda a Comunidade Educativa (familias, docentes, alumando) un curso moi interesetante que se desenvolverá este mércores 16 de marzo: "Menores e seguridade na rede".
Trátase dunha iniciativa que nace da colaboración entre o Ministerio de Educación e Formación Profesional, a través do Instituto Nacional de Tecnoloxías e de Formación do Profesorado (INTEF), a Axencia Española de Protección de Datos (AEPD) e o Instituto Nacional de Ciberseguridade (INCIBE)
A finalidade do curso é presentar pautas, ferramentas e estratexias que axuden a evitar os riscos dun uso pouco seguro ou inadecuado da rede, así como a orientar aos e ás menores en contornas dixitais e garantir a protección da súa intimidade e benestar persoais.
Onte pola tarde a Comunidade Educativa do CEIP Sada y sus Contornos puidemos disfrutar da charla, facilitada polo representante da Garda Civil, sobre seguridade en Internet e Redes Sociais.
Esta charla, dirixida ás familias, forma parte dunha formación que se complementará co alumnado, dentro do marco do Plan Director para la Convivencia y Mejora de la Seguridad en los Centros Educativos y sus Entornos.
Desde o Departamento de Orientación agradecemos a súa colaboración e a participación ás familias.
