Hoxe honraremos a NOSA LINGUA e a NOSA CULTURA cun festival para toda a Comunidade Educativa. Parbéns polo traballo e a disfrutar.
Pinchade na imaxe para ver a historia social do que vai acontecer no día de hoxe.
Pinchade nos enlaces para acceder a recursos sobre a omenaxeada
https://primaveradasletras.gal/2026/actividades
O 2 de abril conmemórase o Día Mundial de Concienciación sobre o Autismo e o Día Internacional do Libro Infantil.
Comparto con toda a Comunidade Educativa unha recomendación lectora: este fermoso albume ilustrado (" ¡Ana, dónde vas! de David Gómez e Irene Bofill, e a Fundación Orange) que aborda a hipersensibilidade sensorial no autismo, co obxectivo de sensibilizar e concienciar sobre a diversidade.
Feliz lectura!
A pesar da choiva e non poder disfrutar do pasarúas coas familias, hoxe contamos cun día de diversión, alegría, traballo en equipo e ricas larpeiradas de Entroido compartidas a ritmo de MARESADA.
Feliz Entroido!
Estas semanas estivemos a reflexionar sobre a paz a convivencia e o plasmamos nun fermoso mural marino.
Nesta presentación compartimos unha selección de curtas e película que invitan a continuar coa reflexión.
Que é iso da Constitución? Por que é festivo ese día? É tan importante?. Para poder entender de que se trata compartimos este vídeo realizado por María Jesús Fernández Guillén.
Ao longo de todo o curso, a través de diferentes actividades englobadas dentro dos programas de centro ( Programa TEI, Escola do Benquerer, Programa Pasando a Bola, Plan Director de Convivencia, Plan de Benestar Emocional, programa de patios e actividades PIE) traballamos o respeto, empatía, emocions e valores encamiñados á mellora da convivencia escolar en xeral e previr o acoso escolar, en particular.
Na seguinte presentación atoparedes recursos para conmemorar de xeito específico este día e recolle parte das actividades desenvolvidas ao longo deste curso con este fin.
Ao longo da semana, nas titorías reflexionamos sobre que é iso da PAZ, que dirían cada unha das personaxes de cómic coas que estamos a traballar e como podemos aprender a convivir e a crear unha sociedade en PAZ. Por iso pasamos unha fermosa xornada de xogos onde os máis maiores axudaron aos máis pequenos a xogar: todo o alumnado dos diferentes niveis mesturado para disfrutar e aprender a convivir.
Grazas a todo o alumnado colaborador de 6º que o fixeron de maravilla!
Para favorecer a prevención da violencia de xénero é preciso que nos plans de centro a (Proxecto educativo de centro, Plan de Convivencia, Programa de Acción Titorial, Plan de Benestar Emocial e Plan de Igualdade…) se establezan actividades que estean encamiñadas ao fomento do Bo Trato.
Partir do Bo Trato é fomentar relacións respectuosas, positivas e igualitarias. Desde xeito o modo de relacionarnos e vincularnos é a través dos coidados emocionais e a responsabilidade afectiva.
O obxectivo fundamental é a convivencia harmónica entre os sexos, previndo a violencia en calquera das súas manifestacións e en calquera dos espazos, físico e virtual.
O traballo continuado a través de actividades encamiñadas a poñer en valor a diversidade persoal, de xénero, familiar, encamiñadas á reflexión sobre a discriminación, esteriotipos sexistas, condutas machistas, violencia... o emprego de linguaxe inclusiva, actitudes de respeto e aceptación... son o camiño para eliminar a violencia contra a muller.
E hoxe, todo o alumnado, disfrutamos, reflexionamos e aprendimos a través da sesión de contacontos do fermoso libro ROSA CARAMELO, HISTORIA DOS BONOBONOS CON LENTES e ARTURO E CLEMENTINA.
O 7 de abril é o Día Mundial da Saúde. Toda persoa ten dereito á protección da súa saúde e acceder a unha atención sanitaria profesional, idónea e responsable. Pero este dereito fundamental está ameazado para milleiros de persoas no mundo.
Ao longo deste trimestre coñeceremos e colaboraremos con diferentes ONGs que traballan en prol de preservar este dereito nos diferentes continentes, dentro das propostas didácticas do proxecto de centro "Sadabona".
Pero... que entendemos por SAÚDE?. O triángulo da saúde axúdamos a explicar a interación que existe entre saúde mental, física e social e que determina a nosa calidade de vida. O vídeos que tedes a continuación pode axudarvos a entender este concepto.
Este 2 de abril, baixo este fermoso lema, o alumnado de 1º e 2º EP achegáronse ao autismo e traballaron a diversidade coma un valor en si mesmo e a importancia de formar equipo para acadar un mundo mellor, no que cada un aporta as súas infinitas cualidades, capacidades e habilidades.
Voltamos ás aulas despois destas merecidas vacacións e comezamos aprendendo máis sobre o Autismo.
E o prometido é deuda! Aquí tedes unha mostra en imaxes da gran experiencia de hoxe, na que aprendimos moito con persoas con parálise cerebral e o seu dominio do Boccia.
GRAZAS ASPACE POR ENSINARNOS TANTO!
O Día 6 de outubro conmemórase o Día Mundial da Parálise Cerebral, co obxectivo de dar visibilidade e reivindicar as súas necesidades e facilitarlle os apoios que precisan.
A Parálise Cerebral (ocasionada por unha lesión non progresiva no cerebro en desenvolvemento na época fetal ou primeiros anos de vida) afecta ao movemento e a postura, limitando a actividade, pero non a súa capacidade, só precisan das axudas e adaptacións para poder desenvolver as súas capacidades. Teñen os mesmos intereses e os mesmos dereitos que todos e todas nós.
Este xoves, para conmemorar este día e colaborar á sensibilización de toda a Comunidade Educativa, contaremos no centro con persoas de ASPACE Coruña que nos desmostrarán as súas habilidades xogando ao BOCCIA (deporte paraolímpico desde 1984, que ten a súa orixe na adaptación do xogo italiano bocce ou bochas).
Compartiremos a experiencia e as fotos con tod@s. Pero mentras non chega o día, animámosvos a ver o vídeo da campaña deste ano e recomendamos a lectura de libros como "El Reino de los Mil Escalones" (que tamén se pode atopar en galego) no tempo de lectura.
Hoxe, 2 de maio, conmemórase o Día Contra o Acoso Escolar. Ao longo deste curso seguimos a traballar para desenvolver no noso alumnado valores que favorecen e convivencia e creen os alicerces para erradicar o Acoso Escolar.
A reflexión crítica constructiva de xeito individual e colectivo de lecturas, vídeos e desenvolvemento das actividades propostas no Programa TEI facilitan o camiño para aprender a SER, a ESTAR e a CONVIVIR.
E para continuar a formarnos sobre o Acoso Escolar, o profesorado temos a sorte de contar esta fin de semana na nosa vila co Congreso TEI no Camiño. Pinchade aquí para inscripción e máis información. Unha pequena representación do noso alumnado de 6º EP expoñerá a súa experiencia co programa. Animádevos a asistir.
Aquí podedes atopar recursos e un resumo das actividades realizadas ata o momento no centro contra o Acoso Escolar.
Para todas as mamás, pola súa forza, polo seu apoio, porque sempre están con nós, porque o amor entre nais e fill@s é o verdadeiro amor.
Feliz día da nai, traballadora 24 horas, todos os días do ano.
Porque todos temos dereito a ser felices... FELIZ 2 DE ABRIL!
Pinchade nas imaxes para ver o que fai felices aos nosos pequenos e pequenas.
Hoxe conmemórase o Día da Muller, para lembrar e defender a loita das mulleres pola súa participación na sociedade e o seu desenvolvemento íntegro como persoa, en igualdade co home.
A educación é o camiño para erradicar a violencia que se exerce cara as mulleres. Debemos educar para fomentar cambios cognitivos, emocionais e actitudinais que permitan unha convivencia positiva, con xustiza social, equidade e igualdade.
Este ano baixo o lema "Darlle a volta está nas nosas mans" , tendo como referente visual o polbo, reflexionaremos sobre a violencia de xénero e como darlle a volta, representando oito xeitos de amar coas mans nas patas do polbo.
Con motivo da conmemoración do Día do Libro, andamos todos e todas a recomendar as nosas lecturas preferidas. Estas son as miñas recomendacións...
Para Educación Infantil, para ler en familia, "ADIVINA CUÁNTO TE QUIERO" do escritor británico Sam McBratney e ilustrado por Anita Jeram.
Recomendo este libro porque con el puiden expresarlle aos meus fillos un millón de noites canto os quería. Fermosísima historia e ilustracións; ademáis se pode atopar en diferentes formatos.
Para Educación Primaria, un dos meus libros preferidos é o EMOCIONARIO de Cristina Núñez Pereira y Rafael Romero Valcárcel
Recomendo este libro porque permite identificar e expresar o que sentimos, entender que é iso das emocións, con sinxelas palabras e fermosas ilustracións. Axuda moito no desenvolvemento da nosa intelixencia emocional.
A disfrutar da lectura!!
