Este martes, o alumnado de 4º de EI, tivo a sorte de disfrutar dunha sesión de contacontos para sensibilizar sobre a discapacidade, grazas á colaboración de COGAMI.
Chus e Sonia presentaron a historia de Sali, Lana e Pio, tres amigos con discapacidade que se divirten e axudan mutuamente. Disfrutamos da historia, a música e practicamos con material adaptado.
Grazas a COGAMI pola súa colaboración.
Pinchade no enlace para acceder ás imaxes.
A nosa escola forma parte da rede de Escuelas Visuales. O pasado curso escolar participamos no proxecto da Fundación Orange de acompañamento ás escolas para transformarnos nun centro accesible a todo o alumnado, aprendendo sobre ferramentas visuais (señalización, horarios, historias sociais, secuencias, contos visuais, visual thinking, mapas visuais) e este ano continuamos coa implementación desas ferramentas e emprego de ortografía visual, patios visuais e recursos educativos visuais.
Desde o noso centro recomendamos a participación na próxima convocatoria. Os centros que esteades interesados podedes acceder á sesión informativa do vindeiro 14 de maio. Animádevos a participar!
Comparto información facilitada polo Equipo responsable de Escuelas Visuales.
Que sorte temos!
Ao longo deste trimestre, o noso compañeiro Sviat, vainos enseñar a toda a Comunidade Educativa Linguaxe de Signos. Teremos que practicar moito para ser un experto/a coma el.
Cada semana publicaremos un video no que aprenderemos novo vocabulario. Estade moi atentos!
Moitas grazas a Iván, o mestre de AL, María José, a intérprete en LSE e, sobre todo, a SVIAT.
Esta semana comezamos con....
Pinchade na imaxe para acceder ao vídeo
Lembrade que no patio podedes practicar o abecedario.
Pero tamén son ben fermosos os traballos do alumnado de hoxe, nos que plasmaron as súas sensibilidades, reflexións e aprendizaxes sobre a diversidade en xeral, e sobre as persoas no Trastorno de Espectro Autista en particular.
Parabéns!
Hoxe, a través do cómic achegarémonos á realidade das persoas que se atopan dentro do Espectro Autista. Xurxo e as súas amigas comparten con nós información, recomendacións lectoras e a vida das persoas con autismo desde unha visión gráfica e convídannos a ilustrar (con viñetas, debuxo, simboloxía...) que cada persoa é única.
Grazas ao proxecto ENKI estivemos a aprender a comunicarnos coas nosas mans, mentres membros da Comunidade Educativa colaboraron para facer un fermoso mural co alfabeto e así poder seguir a aprender sempre que queiramos.
.Se pinchades aquí podedes atopar unha guía didáctica para seguir a traballar nas aulas.
Moitas grazas ENKI!
A diversidade é un valor en si mesmo e a diversidade familiar é unha realidade enriquecedora para a nosa sociedade. Hoxe, día internacional das Familias queremos por en valor esa diversidade, da man da Comisión de Educación da Asociación de Madres Solteras por Elección que comparte unha serie de recursos para a reflexión e o debate e poder seguir a traballar co alumnado valores como o respeto á diversidade, a tolerancia e a convivencia.
Aquí tedes un vídeo para os máis pequenos
O alumnado de 1º e 2º EP tivemos a sorte de poder participar hoxe nun obradoiro de sensibilización sobre a diversidade e discapacidade, da man de COGAMI. O obxectivo do mesmo foi:
· Proporcionar estratexias e
materiais de apoio para concienciar sobre a discapacidade.
·
Contribuír a comprender e
interiorizar actitudes de convivencia.
·
Proporcionar información sobre as
diferentes condicións de discapacidade, destacando as posibilidades e
capacidades de cada persoa.
·
Familiarizar ao alumnado cos elementos
accesibles que facilitan a vida cotiá das persoas con algún tipo de
discapacidade.
·
Facilitar materiais de apoio para sensibilizar
e modificar actitudes ante a discapacidade.
Disfrutamos e aprendimos moito. Moitas grazas!
Este 2 de abril, baixo este fermoso lema, o alumnado de 1º e 2º EP achegáronse ao autismo e traballaron a diversidade coma un valor en si mesmo e a importancia de formar equipo para acadar un mundo mellor, no que cada un aporta as súas infinitas cualidades, capacidades e habilidades.
Hoxe, o alumnado de 3º, 4º, 5º e 6º EP participaron no programa de AFUNDACION "Todos e todas contamos", para poñer en valor a diversidade, o esforzo, empatía, aceptación do diferente e autoestima.
Arredor da conmemoración do Día da Paz do noso centro, retómase RECRE_ARTE, programa encamiñado a favorecer a inclusión de todo o alumnado no tempo de lecer. Grazas ao noso alumnado voluntario de 5º EP pola súa colaboración e, especialmente, a Daniela e Victoria que o fan xenial!.
Un ano máis celebramos a Carreira ENKI para sensibilizar á Comunidade Educativa do esforzo que cada día teñen que superar as persoas con algún tipo de discapacidade e a importancia de romper as barreiras de accesibilidade coas que se atopan no día a día. Foi unha gran xornada de diversión, cooperación e aprendizaxe colectivo.
Ao longo do mes de decembro levaremos a cabo actividades encamiñadas a traballar o concepto de diversidade como un valor en si mesmo e poñer en valor as persoas con discapacidade e capacidades diversas.
Os contos, curtas, debates, investigacións sobre personaxes famosas con discapacidade, a carreira ENKI e a transformación da nosa escola nunha "Escola Visual", serán algunhas das actividades das que disfrutaremos.
Ao longo deste trimestre, os xoves, contaremos no noso centro con Laura e a súa cadela Nora para disfrutar da lectura compartida.
Alumnado de Educación Infantil, 1º, 2º e 3º poderán lerlle libros a Nora, unha das súas paixóns. Hoxe foi a primeira toma de contacto e puidemos coñecela, saber da súa historia persoal e o seu traballo, e puidemos saludala. Pinchando na imaxe podedes acceder ás fotos da xornada de hoxe.
O vindeiro xoves poderemos disfrutar dos libros con Nora e Laura na biblioteca. Estamos desexando que chegue ese día!
Moitas grazas a Laura e Nora, a R.E.A.D. (Programa de Lectura con Perros) e ao Concello de Sada que subenciona a totalidade do programa.
