2 de abril: Día Mundial de Concienciación do Autismo

 Hoxe, a través do cómic achegarémonos á realidade das persoas que se atopan dentro do Espectro Autista. Xurxo e as súas amigas comparten con nós información, recomendacións lectoras e a vida das persoas con autismo desde unha visión gráfica e convídannos a ilustrar (con viñetas, debuxo, simboloxía...) que cada persoa é única.

DÍA MUNDIAL DA PARÁLISE CEREBRAL

 O Día 6 de outubro conmemórase o Día Mundial da Parálise Cerebral, co obxectivo de dar visibilidade e reivindicar as súas necesidades e facilitarlle os apoios que precisan. 

A Parálise Cerebral (ocasionada por unha lesión non progresiva no cerebro en desenvolvemento na época fetal ou primeiros anos de vida) afecta ao movemento e a  postura, limitando a actividade, pero non a súa capacidade, só  precisan das axudas e adaptacións para poder desenvolver as súas capacidades. Teñen os mesmos intereses e os mesmos dereitos que todos e todas nós. 

Este xoves, para conmemorar este día e colaborar á sensibilización de toda a Comunidade Educativa,   contaremos no centro  con persoas de ASPACE Coruña   que nos desmostrarán as súas habilidades xogando ao BOCCIA (deporte paraolímpico desde 1984,  que ten a súa orixe na adaptación do xogo italiano bocce ou bochas). 

Compartiremos a experiencia e as fotos con tod@s. Pero mentras non chega o día, animámosvos a ver o vídeo da campaña deste ano e recomendamos a lectura de libros como   "El Reino de los Mil Escalones" (que tamén se pode atopar en galego)    no tempo de lectura. 

                           

Os meus libros emocionentes!

 O alumnado de 6º EI, coa nosa profe Deya e Lucía a Orientadora,  ao longo do curso acudimos á biblioteca para disfrutar da lectura e os libros. Aprendimos como está organizada   e que podemos facer nela;  a escoller as nosas lecturas para levar para a casa;  disfrutamos e reflexionamos con "emocionantes" contos para facer o noso propio caderno de LECTURAS EMOCIONANTES. 

Comezamos o 3º trimestre e... todo será posible!

 Despois destas merecidas vacacións comezamos con ánimo a recta final  deste curso. De seguro vai a estar cheiño de novas  aprendizaxes e divertidas actividades. Comezamos a semana con música da nosa, obradoiro de papel reciclado e conmemoración do Día do Libro...que mellor xeito!!

Pinchade na imaxe

CANDO LEO...TODO É POSIBLE!

Para os profes unha recomendación de apps que poden ser de axuda. Pinchade na imaxe para acceder.

NO CEIP SADA Y SUS CONTORNOS TODO É POSIBLE! FELIZ 3º TRIMESTRE!

2 DE ABRIL: DÍA MUNDIAL DE CONCIENCIACIÓN SOBRE O AUTISMO

 

Pinchade aquí para acceder ao manifesto

Un ano máis sumámonos á conmemoración deste día sensibilizando a toda a Comunidade Educativa sobre que é o Trastorno de Espectro Autista, os seus dereitos e necesidades. Para colaborar coa campaña do Día Mundial de Concienciación sobre o Autismo 2022 (que  pon o foco de atención no dereito das persoas con TEA e as súas familias a desfrutar dunha vida feliz) ao longo desta semana  traballaremos co alumnado que é o autismo, reflexionarán e debuxarán ou redactarán sobre que significa ser feliz para cada un/unha de nós e sensibilizar sobre o  dereito das persoas con trastorno do espectro do autismo (TEA) e as súas  familias a vivir unha vida feliz.

“UNHA FELIZ VIAXE POLA VIDA”

 #DiaMundialAutismo #HazFeliz

AS COUSAS QUE NOS FAN FELICES SON MOI PARECIDAS PARA TOD@S

Pinchade na imaxe para acceder a contos sobre o Autismo

8 de marzo: Día da Muller.

 Hoxe conmemórase o Día da Muller, para lembrar e defender a loita das mulleres pola súa participación na sociedade e o seu desenvolvemento íntegro como persoa, en igualdade co home.  

E coma sempre comparto uns dos meus libros preferidos  para dita conmemoración.

Xunt@s construímos!

 Hoxe fago referencia á actividade desenvolvida co alumnado do CRA de Bergondo co que disfrutei o día de hoxe. Contamos un dos meus contos preferidos que xa recomendei en máis ocasións "Las Ciudades de Colores" de María Bautista e Raquel Blázquez. 

É un conto acumulativo que nos ensina a respetar a diversidade e valorarla como algo enriquecedor, que nos ensina a entender a búsqueda de identidade dun mesmo, a importancia da compañía e amizade  e que xuntos podemos "construir" todo o que queiramos. 

Eu o emprego para observar o razoamento,  xogar e crear cos pequenos e pequenas. E sempre me sorprenden!! Os Silvosiños sons todos un artistas!

Educación emocional en EI

 Desde o Departamento de Orientación levamos a cabo, un ano máis, unha intervención directa cos diferentes grupos- aula de Educación Infantil. Esta cumpre unha dobre  finalidade: por unha parte, observar, coñecer  e facer un seguimento a través das diferentes actividades plantexadas ao alumnado do seu desenvolvemento persoal, académico e social, así como detectar posibles dificultades de xeito temperá para poder intervir o antes posible; por outra banda, contribuír ao desenvolvemento da intelixencia emocional e fomento do gusta pola lectura de xeito temperá.

As actividades parten da lectura dun conto. Estas son as lecturas levadas a cabo no que vai de curso. 

E algunhas das actividades realizadas co alumnado de 6º EI (que comezaron o seu primeiro emocionario) e con 4º EI (que xa non teñen medo ao lobo, porque agora é vexetadiano)

SEMANA DO LIBRO: CAL É O TEU LIBRO PREFERIDO?

 Con motivo da conmemoración do Día do Libro, andamos todos e todas a recomendar as nosas lecturas preferidas. Estas son as miñas recomendacións...

Para Educación Infantil, para ler en familia, "ADIVINA CUÁNTO TE QUIERO" do escritor británico Sam McBratney e ilustrado por Anita Jeram. 

Recomendo este libro porque con el puiden expresarlle aos meus fillos un millón de noites canto os quería. Fermosísima historia e ilustracións; ademáis se pode atopar en diferentes formatos.

Para Educación Primaria, un dos meus libros preferidos é o EMOCIONARIO de Cristina Núñez Pereira y Rafael Romero Valcárcel

Recomendo este libro porque permite identificar e expresar o que sentimos, entender que é iso das emocións, con sinxelas palabras e fermosas ilustracións. Axuda moito no desenvolvemento da nosa intelixencia emocional.

A disfrutar da lectura!!

SEMANA DO LIBRO

 Para comezar esta semana que estará chea de libros, contos e diversión, que mellor xeito que facelo cun dos meus libros preferidos "EL INCREIBLE NIÑO COME LIBROS".  Esta divertida historia de Oliver Jeffers nos ensina o poder da lectura. Non deixedes nunca de "devorar libros". A disfrutar e feliz semana lectora!

CREO EN TI

 Hoxe gustaríame compartir coa Comunidade Educativa unha recomendación lectora: CREO EN TI.

A autora de "De mayor quiero ser...feliz", Anna Morató, aborda nesta obra seis contos para axudar aos nenos e nenas a tomar boas decisións e facilita as ferramentas para acadalas. 

A súa lectura compartida co noso alumnado ou fillos/as facilitará a reflexión sobre aspectos tan relevantes como a perseverancia, a paciencia, o manexo do enfado, o pensar por un mesmo, o aburrimento e o valor das cousas realmente importantes; proporciona recursos para afrontar e resolver as diferentes situacións coas que se atoparán ao longo da vida.

Ademáis atoparedes catro cartas escritas polos pais e nais das personaxes dos contos que inclúen mensaxes fundamentais para o axeitado desenvolvemento dos nenos e nenas: "Creo en ti, creo en mi", "Siempre puedes contar conmigo", "Perdóname, mi amor", "Te quiero tal como eres".

Comparto algúns dos contos que podemos atopar na rede pero recomendo a súa lectura compartida.

Xoves de emoción: sexamos xardiñeir@s!

 Tod@s temos no noso interior unha planta que debemos coidar para que sexa forte e frondosa. A través do  fermosísimo conto de Alicia González Ramírez, "El Jardín de Violeta", podemos ensinar aos nenos e nenas, grandes e pequenos, a importancia de coidar o noso benestar emocional e como facelo. 

Desde o Departamento de Orientación recomendamos este libro sobre o autocoidado e autoestima,  para profesorado e familias.

                        

Pinchade aquí para un resumo en pictogramas

"Estoy aquí"

 A través deste fermoso conto "Estoy aquí", a súa autora, Vanesa Díez, invítanos a reflexionar sobre como debemos enfrentarnos aos problemas e amosa, de xeito moi orixinal, como se traballamos en equipo as cousas teñen unha mellor solución. Disfrutade da súa lectura!

El árbol de la amistad

 Ainda que estamos en outono e as follas das árbores caducas caen,  entre tod@s podemos plantar unha fermosa árbore que creza forte e cheiña de follas. Axudádesme a darlle a volta ao outono?

Propoño que leades o fermoso album  de BRITTA TECKENTRUP, "EL ÁRBOL DE LA AMISTAD" co que descubriredes que a amizade é coma unha árbore máxica e fermosa, que só medra si se rega con agarimo e amabilidade cara os outros. 

Despois de comentar e reflexionar sobre a lectura propoño que fagades  unha fermosa árbore chea de follas con fermosas palabras e xestos de amabilidade, cariño e amizade. Podedes compartir co Departamento de Orientación as vosas árbores. Animádevos!

Así es la vida!

Este curso taaaaannnn diferente está a piques de rematar. Despois do esforzo e o traballo, das alegrías e tristezas, do medo,  der ter que aprender a toda velocidade unha nova forma de facer, de estar, de aprender... chega o final,  sen festa nas aulas, sen excursión,  sen abrazos e bicos desexando felices vacacións... así é a vida!. As cousas non sempre saen como un pensa ou quere pero sempre temos que adaptaranos e ver o lado positivo de cada acontecemento da nosa vida e ver unha nova oportunidade nesa realidade.  Cando nos volvamos a ver teremos un montón de cousas que contar e seguro disfrutaremos moito máis de cada momento tod@s xunt@s e valoraremos cada momento e aprendizaxe compartida! Xunt@s comezaremos novos proxectos con ilusión.

"Así es la vida"  é un magnífico conto onde as autoras ( Carmen e Ana Luisa Ramírez) nos ensinan de xeito sinxelo e claro a vivir e disfrutar da vida incluso cando as cousas non saen como un espera.

Disfrutade da última semana deste curso!
As profes Oliva, Silvia e Cristina comparten nas lapelas superiores unhas propostas diferentes para esta semana. Non volas perdades!

Xuntos completamos a historia

Comezamos a semana cunha curta que nos facía reflexionar sobre a importancia da nosa actitude ante a vida e que está nas nosas mans axudar a mellorar o noso mundo e o dos demáis. Imos  rematar a semana cun conto que versa sobre a mesma idea. Xa veredes que chulo!
Cando atopei pola rede este conto pensei...outro conto do Coronavirus, ao mellor os nenos e nenas xa están un pouco fartos. Pero cando o lin dinme conta que é un conto diferente, que nos anima a "loitar" xuntos para crear un mundo mellor. Anímovos a lelo e continuar a historia escribindo un novo capítulo. Se queredes podedes envialo ao correo do departamento orientacion@sadaycontornos.es

Pinchade aquí para acceder

Se queremos un mundo mellor debemos, desde a educación, fomentar a curiosidade, imaxinación, creatividade e traballo en equipo.

Boa fin de semana!

SUPERPODERES

Tod@s temos un  SUPERPODER, algo no que destacamos especialmente. Penso que o meu é o poder da escoita e estar cando se me necesita. Ás veces é difícil descubrir o noso poder e precisamos dos demáis para descubrilo; pola contra, outras veces, temos moi claro cal é a nosa habilidade excepcional.
No conto "El Gran Libro de los SUPERPODERES" de Susanna Isern descubrimos os de un montón de nenos e nenas: contar historias, optimismo, valentía, música, humor, atención, curiosidade, paciencia, lectura, axilidade, memoria, organización, cociña, adaptación, perseverancia, matemáticas, baile, creatividade.
Escoitade o conto e animádevos a pensar cal é o voso SUPERPODER. e compartídeo neste blog.

Se tivera que escoller os SUPERPODERES que máis nos axudarían a superar o confinamento serían os seguintes: optimismo, humor, paciencia e adaptación.

Que opinades?

 Deixade os vosos comentarios

Mamá, teño medo!

Cando sintes medo, unha emoción intensa percorre o teu corpo e alértate dun perigo. Pode ser grande ou pequeno, real ou imaxinario, consciente ou inconsciente, pero afectarate e farate reaccionar dalgún xeito para te protexer. E tenderás a facer dúas cousas: atacar ou fuxir.

Atacar é cando te enfrentas ao medo ou á situación, cando tomas unha actitude activa.

Fuxir é o contrario, cando intentas evitar a situación a toda costa; tomas unha actitude pasiva se esquivas, negas, pos excusas, esqueces, rexeitas...

"Laberinto del Alma" de Anna Llenas.

Con frecuencia, os medos que os nosos fillos e fillas sufren, provócannos angustia e, ás veces, non sabemos como axudarlles. Se pinchades na seguinte imaxe poderedes atopar unha serie de recomendacións. 

É moi importante que aprendamos a superar os nosos medos e guiar neste proceso aos nosos fill@s.. Valentía, prudencia e imaxinación son os tres ingredentes básicos para enfrentarnos aos nosos temores e, como para todo, os libros son o noso gran aliado. Para entender os diferentes medos e saber enfrentarnos a eles comparto unha selección de contos para ler en familia.

Nestes tempos de confinamento os medos dos nenos poden verse aumentados e intensificados. Debemos transmitirlles calma e seguridade e axudarlles a expresar os seus sentimentos e sufrimentos.
Se pinchades  aquí accederedes a un sinxelo conto con pictogramas para vencer os medos relacionados co Coronavirus.

E aquí podedes acceder a o documento sobre o medo elaborado polo Equipo de Orientación Educativa y Psicopedagógica de Atención Temprana  San Fernando - Coslada.

Empatía

Un dos meus contos preferidos  é " CONTOS DE RATIÑOS" de Arnold Lobel. Neste libro o papá rato conta aos seus ratiños historias que emocionan e que nos axudan a adquirir competencias emocionáis básicas (consciencia emocional, regulación emocional, autonomía emocional, habilidades para a vida...).

O Pozo dos Desexos é o primeiro dos contos que podedes atopar. Pinchade na imaxe para disfrutar da súa lectura.

O interés, sorpresa, desilusión, tristura, desacougo, ledicia, empatía... son algunhas das emocións que atoparedes na súa lectura.

Moitas veces, as persoas que temos preto pregúntannos que nos pasa porque ven nas nosas caras, voces ou corpo sinais que non son habituais en nós. Facer isto, darse conta de que algo pode estar a pasar, é ter empatía. Agora que estamos na casa, propoñémosvos un reto: 

CADA DÍA DA SEMANA INTENTA AVERIGUAR COMO SE SINTEN OS MEMBROS DA TÚA FAMILIA...SIN PREGUNTARLLO. SEREDES CAPACES?

E para estes  tempos de confinamento podemos traballar cos nenos e nenas a empatía  a través deste libro creado por Patricia Fernández  para fomentar o diálogo entre adultos e nen@s e mellorar as relacións interpersoais.

Risas para a fin de semana.

Non sei que sensación tedes pero a min as semanas pásanme voando. Temos por diante outra fin de semana e comparto con tod@s un libro de chistes e divertidos xogos de psicomotricidade para os máis pequen@s, desañados por Nuria (mestra no CEIP Huerta de la Princesa) e Jesús (mestre no CEIP Vicente Aleixandre). Grazas por compartir. A disfrutar e divertirse!