O alumnado de 6º EP acudiu este martes a coñecer o centro no que cursarán a nova etapa educativa. Os nervios e incertidume foron desaparecendo ao longo da visita das instalacións e tras as recomendacións de antigos alumnos do noso centro. Moitas grazas por facilitar o tránsito entre etapas!
Os alumnos e alumnas de 6º EP andan un pouco nerviosos con iso do cambio de etapa pero coa visita ao IES Isaac Díaz Pardo de hoxe, na que puideron visitar as instalacións e aclarar dúbidas con alumnado voluntario, a Directora e a Orientadora e reencontrarse con antigos alumnos/as, están moito máis tranquilos.
.jpg)
Estamos moi orgullosos de todos e todas vós, disfrutade desta nova etapa e lembrade que O CEIP Sada y sus Contornos sempre será o voso cole. Unha forte aperta para tod@s.
Hoxe é un día de sentimentos encontrados. Alegría porque chegan as merecidas vacacións despois de tanto traballo pero tamén tristeza porque despedimos a unha nova promoción, que comeza unha nova etapa educativa e de desenvolvemento, ás súas familias e algunhas mestras que estiveron a traballar con nós este curso. Sempre estaredes no noso corazón.
Moita sorte a todos e todas e felices vacacións!
A piques de rematar o curso e o paso polo CEIP Sada y sus Contornos do alumnado de 6º EP, hoxe fomos a visitar o centro no que continuarán a nova etapa, o IES Isaac Díaz Pardo.
Da man de Nila, a Orientadora, e antiguos alumnos/as do noso centro, Martín, Sofía, Vera e Ariana, coñeceron as instalacións, a organización do centro e as materias a cursar e algún que outro consello que seguro que lles é moi útil.
Grazas á mestra de Oratoria e ao alumnado de 4º da ESO por contarnos boas historias con importantes valores e grazas polo rico bocata que compartimos no tempo de lecer.
O alumnado de 6º EP está a piques de comezar a súa andaina cara unha nova etapa da súa vida: o instituto.
Con nervios e ilusión hoxe disfrutaron dunha breve explicación de que é iso da ESO, recomendacións para enfrentarse a esta nova etapa con éxito e visitaron o IES Isaac Diaz Pardo ao que acudirán o vindeiro curso. Compartimos aquí imaxes do día de hoxe e a presentación realizada pola orientadora.
A Educación Secundaria é unha etapa educativa que implica unha maior dificultade (pola súa organización, materias, maior número de profesorado…) e esixe un traballo máis intenso. Coincide coa adolescencia, período de cambios no desenvolvemento emocional e físico. Por todo isto será fundamental que os pais esteades ao carón dos vosos fillos/as para FALAR, ESCOITAR e COMPRENDER.
Os rapaces nesta etapa buscan unha maior liberdade, a súa propia identidade, solicitan unha maior autonomía e independencia, e ás veces o fan a través do enfrontamento e oposición aos adultos. Os iguais exercen unha gran influencia e xurden novos intereses.
Neste proceso vital é preciso que os pais sigades a ser
un referente de autoridade, fixando límites claros desde o respecto e escoita
atenta das súas opinións, e que incrementedes a comunicación con eles mantendo
unha relación cálida e, á vez, esixente. Deixádelle
o seu propio espazo pero controlando desde a distancia
Debedes transmitirlles aos vosos fillos/as que
estudiar é bo para o seu futuro, e que confiades neles e no seu esforzo. Se
queren máis liberdade deben demostrar que son responsables en todos os aspectos
da súa vida en xeral, e nos estudos en particular.
Para axudarlles nesta responsabilidade compre fomentar
hábitos de estudo na casa, asegurándolles un bo lugar para estudiar, marcando un
tempo diario de estudo, axudándolle na planificación de tempo de estudo
e nas materias que lles costan pero sen facerlles as tarefas. Compre
ensinarlles a combinar o tempo de estudo co descanso e ocio de xeito
equilibrado.
Será moi positivo
o contacto frecuente co titor/a, así como participar nas actividades de
centro. Debedes levar un control das faltas de asistencia dos vosos fillos/as,
así como das súas amizades.
Valorade e premiade o esforzo día a día e motivalo
para acadar resultados positivos. Implicádevos nas súas actividades e gustos,
pero evitando ser “colega” dos vosos fillos/as.
Debedes
estar atentos aos cambios experimentados polo voso fillo/a (de humor, de
conduta, costumes). Falade destes cos vosos fillos/as, cos mestres e co
Departamento de Orientación do Instituto.
Boa viaxe e
moita sorte nesta nova etapa.
Comparto a presentación realizada co alumnado de 6º EP para favorecer o axeitado cambio de etapa. Pinchade na imaxe para acceder.
O curso xa está a piques de rematar e todas e todas estamos felices polo traballo realizado pero tamén cansos, e nerviosos polo futuro que nos espera, principalmente o alumnado de 6º EP que o vindeiro curso comezará unha nova etapa.
Para facilitar este tránsito á ESO, visitamos o IES Isaac Díaz Pardo, onde a maioría cursarán 1º da ESO.
Dan man de alumnado colaborador, a Orientadora e a Directora do Centro coñecimos as instalacións do centro, algunhas das actividades que se realizan, as asignaturas e organización cara o curso que ven... (aínda que todavía quedan cousas por decidir).
Disfrutamos dunha rica merenda nos xardíns e, sobre todo, quitamos os nosos medos e dúbidas. Cada vez temos máis ilusión por comezar esta nova etapa!
O remate do curso xa está aquí e con el o cansancio polo esforzo e o traballo realizado e, ao alumnado de 6º EP, sumánselle os nervios polo importante cambio que supón o paso ao Instituto; unha nova etapa chea de retos, aprendizaxes, descubrimentos e emocións.
Para facilitar este tránsito e calmar as posibles inquedanzas, os Departamentos de Orientación e Equipos Directivos do Instituto ao que estamos adscritos (IES Isaac Díaz Pardo) e o noso centro coordinamos actividades informativas que poidan axudar ao alumnado e as familias. No noso centro realizaremos unha charla nas titorías e faremos unha videoconferencia co IES o mércores día 9, ás 19:00h. para coñecer un pouco máis o instituto, como está organizado e aclarar todas as nosas dúbidas.
Boa viaxe e lembrade que sempre estaredes nos nosos corazóns!
Para acceder a un resumo do falado na reunión pinchade aquí.
