Programa de técnicas de estudo para 5º e 6º EP

 

Como estan a aprender estes animais? 

Con cal deles te poderías identificar?

Para mellorar o noso xeito de enfrentarnos ao estudo e as aprendizaxes comezamos co programa de técnicas de estudo en 5º e 6º EP. 

Técnicas de estudo no 3º ciclo.

 Ao longo deste curso seguimos a traballar as técnicas de estudo co alumnado de 5º e 6º EP. O por que estudar, contar con hábitos saudables, saber organizarse e contar con técnicas e ferramentas que faciliten o estudo e a elaboración de traballos son fundamentais para un desenvolvemento académico exitoso.

Aprendemos a aprender

 

Para favorecer a competencia de aprender a aprender do noso alumnado e de favorecer o éxito escolar, dentro do Plan de Mellora do noso centro, desenvolverase co alumnado do 3º ciclo de EP, un programa de Técnicas de Estudo eficaz que lles permita perfeccionar o proceso de "aprender a estudar".

O programa ten como obxectivos: 

·         - Coñecer os hábitos de estudo do alumnado.

·       -   Eliminar as ideas negativas e os erros que os estudantes poidan ter sobre "a tarefa de estudar".

·        -  Adquirir estratexias e técnicas de aprendizaxe que favorezan o éxito escolar. 

·       -   Espertar o interese do alumnado por poñer en práctica os consellos e técnicas aprendidas.

·         - Poñer en práctica as técnicas de estudo abordadas nas diferentes sesións.

·        -  Saber seleccionar as técnicas máis axeitadas en función da  materia.

·          - Desenvolver autonomía e responsabilidade como estudante.

·         - Desenvolver  actitudes de constancia e esforzo.

Técnicas de estudo

 Ás veces é complicado organizarse para facer as tarefas escolares na casa e aprender a preparar ben os exames. Na Etapa de Educación Primaria débense establecer as bases para un estudo autónomo e eficaz, e aprender a estudar será un proceso sinxelo se contamos coa axuda e supervisión do adulto (familia e/ou mestre). 

Comparto nesta entrada unha serie de pautas que espero sexan da vosa axuda. Pinchade na imaxe para acceder.

Para os máis maiores, contades con esta presentación chea de boas ideas e recursos elaborado por Noemí Sánchez Delgado para alumnado de Educación Secundaria pero con propostas que se poden aplicar, de xeito máis sinxelo en Primaria.

Se tedes algunha dúbida ou precisades axuda en algo acudide ao Departamento de Orientación.